Isaya 42:7 - KITABU KITAKATIFU

⁷ Ulahonyia yavo avaveeye avavoku, kandi ndatuliza muvuhambe mu vogo kandi ndatuliza mujera yavo aviikalaa mu kisundi.

Isaya 42:7 ပူးပေါင်းရင်းမြစ်များ

Zaburi 97:7

Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

Isaya 29:18

Lwalidiku yilio liduka, avahana matu valahulira kitabu nigisomwaa, na avavoku avaamenyaa mu kisundi, valigulika zimoni nokolola.

Isaya 35:5

Avavoku valalola, kandi wahana matu alahulira.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Isaya 49:9

Ndavolera avahambe ndi, ‘Muve avavoholore!’ Kandi ndavolera yavo avaveeye mu kisundi ndi, ‘Hambi mu vulavu!’ Valakave kuli amagondi gaveeye nu vwayiru ku vigulu.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Isaya 9:2

Avandu vagenda mu kisundi vamali kolola uvulavu vonene ligali. Vamenya mu kivala chi viliri, navuzwa kalunu uvulavu vumulikaa kuvo.

Mika 7:9

Kigira ku mali kumwonera Yahova, kunangwa kuliekuzira ku vutima vwivwe vululu; kuduuka lwa akukinga mu kiyaalo change nukukukalagira. Alaandeta ichova mu vulavu, kandi ndalora ovohonyi vwivwe.

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Luka 24:45

Maku Yeso yakunura zing'anagani ziavo vaduuki kumanya mang'oda matakatifu.

Yohana 9:39

Yeso yavoola, “Inzi ndaaza mu kivala kigira likalaga, kunangwa avavoku vaduuki kolola, na yavo avalolaa vaduuki kuvakula.”

Yohana 9:7

na muvooleraa, “Zia wisaave mu lidavalia lia Siloamu.” Kivuni chi lieta yili keveeye “Kutuma.” Kunangwa, mboku oyo yazia niyisaava, ma niyirana nalora.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.