Isaya 41:15 - KITABU KITAKATIFU

¹⁵ Ndamukora muve kuli kiju chu kuhuuliraku uvuswage, ekeveeye na miinu mahia kandi amuugi. Mulahuura vigulu nukuvidiviza, kandi muladuvuranyia tugulu kugwa kuli mukuzi.

Isaya 41:15 ပူးပေါင်းရင်းမြစ်များ

Ayubu 41:30

Amagamba ku inda yayo gaveeye kuli vijonjo viugi viagikunika; gagoovaa nukutandula vodohi kuli kiju chukuhula vuswage.

Zaburi 18:42

Ndavaduvaganyira hasi kunangwa vagwi kuli luguchi lwi imbuza iduumiyaa.

Isaya 17:13

Mahi gi zihiiri gaaza kuli muriviti gwa mazi manene, navuzwa Nyasaye alagagondokera nago galiirukira ihale ligali. Galakungwa kuli mukuuzi ku vigulu imbiri wi imbuza ihuuzaa; valakungwa kuli luguki luhilwa ni kihuzuzi.

Isaya 21:10

Avandu vange va Isiraeli, mumali kuhuulwa kuli vuswage. Navuzwa kalunu mali kumulandizira makuva malahi gamali kuhulira kutura ku Yahova Wuvunyali, Nyasaye wa Isiraeli.

Isaya 28:27

Siatumikilaa kigulumi kilitu ukuhuula zimbindi anoho uvuguza vwi idania mba; mu vogono yivwo atumikiraa zisaala zinyangu ziduukanaa.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 42:15

Ndononyia tugulu ni vigulu, kandi ndakora uvunyasi ni misaala kwuma. Ndagilung'anyia migera ju mumavoona kugwa changarangwi kandi ndakaminya amadavalia ga mazi.

Isaya 64:1

O, Yahova wakatanduyi ligulu ma wiki hasi ku lirova, kunangwa vigulu viakaadegeya imbiri woovo!

Jeremia 51:20

Yahova avoora, “Babiloni, ivi oveeye kuli inyundu yange, kandi ichugi chi iliihi liange. Ndaakutumikira kuduvuranyia zihiiri kandi kudiviza uvwami,

Jeremia 51:33

Nonoho avasigu valavatuula hasi nukuvaduvagiraho kuli uvuswage koloze. Inzi, Yahova Wuvunyali, Nyasaye wa vandu va Isiraeli mali kovora.”

Jeremia 9:10

Ndaavoora, “Ndasiomera ivigulu kandi ndalilira iviayiru. Kigira vimali kwuma kandi umundu siavitaa mu mba ilihulirika lie mitugu lihulirika mba; amanyonyi kandi zinyama ziu muvulimu zimali kuburuka nu kuzia.”

Ezekieli 33:28

Ndakakole kivala kuva chere kandi hazwa. Zinguru ziamwigingira nazio zilakaduuki kukeheri. Vigulu via Isiraeli vilakatigale viere kali umundu sialakagende mu mba.

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Habakuk 3:12

Ugendaa mu kivala nu vutima, waduvaga zihiiri nu vutima vululu.

Zekaria 4:7

Uvudinyu voveeye kuli kiguru kenene, vulagota kutura imbiri woovo. Ulumbaka vuhia Litembeli na lwa uva nuviika ligina lio kumalirika mu vogono yivwo, avandu valahanzuka nokovoora nu mwoyo munene, ‘Vulahi ligali, vulahi ligali!’ ”

Joshua 17:18

Ndamuha kivala chivigulu, kali niiva keveeye mulitu. Mulakitimula nukukivugula keve chienyu kutura kundulu kwolovega lulala kuduuka kolovega Lundi. Mulakuunga vandu va Kanaani vosi, kali nivava nivaveeye ligali na magare givivia kandi nivaveeye avandu vizingulu ligali.”

Vakalagi 6:16

Yahova yamutivulira, “Unyala kokora ndio kigira Inzi ndakokonya. Uladiviza vandu va Midiani kuli udiviza umundu mulala.”