Isaya 40:31 - KITABU KITAKATIFU

³¹ Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Isaya 40:31 ပူးပေါင်းရင်းမြစ်များ

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Zaburi 103:5

Yahova yigutizaa livamwoyo liange ni vindu vilahi, kunangwa nduuki kuva muyaayi kandi wizingulu kuli indizu.

Zaburi 123:2

Kuli mutumikiri yeeledaa ku munene weve kandi kuli mukaana mutugwa yeeledaa ku munene weve, O, Yahova, Nyasaye kunyi kulazizagilira kohenza ku ivi, kuduuka lwa okoveera zimbavasi.

Zaburi 138:3

Lwa ndaanira ku ivi, waandivulira; ivi umali komeeda inzi zinguru.

Zaburi 20:9

O, Yahova, haana liguuta ku mwami; ukutivuliri lwa kukwaniraa.

Zaburi 25:21

Uvulahi nu vusuuvirifu vwange vuduuki vuuniinda kigira inzi suuviraa mu ivi.

Zaburi 25:3

Utaleka yavo avasuuviraa mu ivi vanyoore zisoni kigira liguutwa. Navuzwa oleke yavo avaveeye vwangu ukwiibaala ku ivi, vave soni.

Zaburi 25:5

Unzigize komenya kolondekana nagiligali googo. Kigira oveeye Nyasaye wange, ombonyia. Inzi suuviraa mu ivi kazozo.

Zaburi 37:34

Musuuviri Yahova kandi muhuliri amalago geege; na ndio alamuha luyali nu kumuha miandu ji kivala, navuzwa avandu vadamanu valatulizwa mu kivala cha avasuuvirifu.

Zaburi 40:1

Ndaalindilira Yahova nuvwikuziri aduuki kongonya; maku yambuliriza kandi naahulira lianira liange.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Zaburi 84:8

O, Yahova Nyasaye, Wuvunyali hulira lisaala liange!

Zaburi 92:1

O, Yahova, voveeye vulahi ligali kuhaana lisandiza ku ivi, ukwimbira ivi zinyimbu zie lizominywa O, Nyasaye Oveeye Igulu Ligali

Zaburi 92:13

Vaveeye kuli misaala jasimikwa munyumba ya Yahova, jiviruka mu Litembeli lia Nyasaye wiitu.

Kutwula 19:4

“Mwalora aga inzi, Yahova ndaakola ku vandu va Egebeti na kuli ndamuginga kuli kihungu kigingiraa viminyu viacho ku zimbaha ziacho, kandi nimuleeta hano ku inzi.

Tsing'ano 30:19

Kihungu kuburukaa mu vwerefu, enzoka emoraa ku lwanda, emeli yenyeleriza inzira yayo mu inyanza, kandi musaza nu mukali kuva harara:

Lwimbu lwa Solomoni 8:5

Nivwaha uzaa kutura mu changalangwi, vagumilani nu muyanze weve? Ndakuvukiza nogonaa muchiriri chu musaala gwu mukuyu, hamama wowo yakoverekera, hayaali ni numwa na kwivulilwa ho.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 30:15

Yahova Mwami Wuvunyali, Nyasaye Mutakatifu wa Isiraeli, avooreraa avandu, “Mwirane ku inzi galaha, kandi musuuviri inzi. Nimukora ndio, mulava ni zinguru kandi mulava mulikingwa.” Navuzwa si mwenya kokora ndio mba!

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 41:1

Nyasaye avooreraa avandu va Isiraeli ndi, “Munyi avandu vamenyi ahimbi ni inyanza, muchiring'ane kandi mumbulirizi! Mwetegeke kuhaana amakuva ginyu mu kiyaalo; mulava nu vwiyangu vwinyu komoloma. Kwisundi harara kumanye nivwaha oveeye mulungi.

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Isaya 8:17

Yahova yiivisi kutura ku vandu veve, navuzwa inzi musuuviraa kandi mbikaa lisuuvirizwa liange muye.

Jeremia 48:15

Kivala cha Moabu harara na amadara gacho gamali kudivizwa, avasoleri vaavo avalahi vamali kusinzwa. Inzi mbeeye umwami, Yahova Wuvunyali, kandi inzi mali kovora.

Zekaria 10:12

Ndakahaane zinguru ku vandu vange; valakasigamiri kandi valakatie inzi.” Yahova umali kovora.

Luka 18:1

Maku, Yeso yavolera vigi veve lugano kuvamanyia ndi, gavadukiraa vasaale kazozo vugira kuluha.

Varumi 8:25

Navuzwa niiva kohenzerera kindu cha kutalolaa, ahene yaho kukilindilira nu vwikuziri vwosi.

2 Vakorintho 4:1

Mu zimbavasi zia Nyasaye, umali kuhaana ku kunyi muyinzi yigu kokole, kulwayago, sikunyala kukuza mwoyo mba.

2 Vakorintho 4:16

Kigira kivuni yiki, kunyi sikukuzaa mwoyo mba. Navuzwa kali niiva liiva lietu lio muviri liguundaa galaha, liiva lietu liu mu Roho likolwa lihia kazozo.

Vagalatia 6:9

Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

Kwidzulitsa 32:11

Kuli kihungu chigizaa avana vacho kuburuka, kivagumilira vulahi kuzimbaha ziacho nizivambuki, nindio Yahova yalinda vandu va Isiraeli vavuli kugwa.

Kwidzulitsa 33:25

Amadara geege gakingwi ni virivwa vie kivia ni migasa kandi aduuki komenya mu mirembe.”

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Vahebraina 12:3

Muganagane ligali ku ga Yeso yavitira mu; kuli yikuzira ku lihing'ana linene kutura ku vandu voni. Kulwayago mutaluha kandi mutakuzi mioyo jinyu mba.

Joshua 14:11

Kandi mbeeye nizinguru kalunu kuli ndaali lwa Musa yanduma ichova. Ngikiri vuzwa nizinguru kali ku vulwani vwosi anoho ku kindi choosi ikitulira.

Likunula 12:14

Mukali yahevwa izimbaha ziviri zie indizu enene, aduuki kuburukira nu kwirukira mwigendanyama havundu halindirwi ku mihiga 3.5 kutura kogoyoka gonene ugwaakanyu.

Likunula 2:3

Ivi oveeye umwikuziri kandi umali kusalira kigira inzi, navuzwa siwakuza mwoyo mba.

Likunula 4:7

Kelombe chukutanga chaloreka kuli isimba kelombe chakaviri chaloreka kuli igiriki. Kelombe cha kavaga chaali nu vweni kuli vwu umundu. Kelombe chakane chaali kuli indizu ibulukaa.

Vakalagi 16:28

Maku Samusoni yasaala navoora, “Yahova Wuvunyali, mwaza nzizuliza; mwaza, Nyasaye, mbe zinguru ziange ing'inga yiyi yenyine vuzwa, oleke mbanze ikisalia ku vandu va Filisitia kigira zimoni ziange ziviri yizi.”