Isaya 4:2 - KITABU KITAKATIFU

² Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 4:2 ပူးပေါင်းရင်းမြစ်များ

Zaburi 67:6

Lirova limali kwama ligesa lialio. Nyasaye, Nyasaye wiitu, umali kukugasiza.

Zaburi 72:16

Leka have nuvuswage vunyingi mu kivala; vigulu vizuri ligesa kuli lie kiguru cha Lebanoni. Leka madaala manene gizuri avandu kuli milimi gizuyi uvunyasi!

Kutwula 28:2

Lombera Haruni, amwavo woovo zinguvu ziu vusaalisi aduuki kololeka wuvukumi kandi mulahi.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 26:1

Lidiku liizaa lwa vandu valakimbi lwimbu yilu mu kivala chi Ivuyuda: Lidaala linene lietu liveeye lie zinguru! Nyasaye mwene akingaa madigi galio nizimbinga zialio!

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 30:23

Yahova alakubiza imbura ku vitagwa mu milimi jinyu, vilamera kandi vilava ni liama linyingi kandi mulava ni ligesa lilahi. Mitugu jinyu jilava nu vwayiru vunyingi.

Isaya 45:8

Inzi ndaleta liguuta kutura mu ligulu kuli imbura; avandu valetegeka konyoora liguuta yili kandi ovohonyi harara nilikalaga lirungi viduuki konyooleka mu lirova. Inzi, Yahova, ndakora yaga kokoleka.”

Isaya 53:2

Vwali uvulariri vwa Yahova ndi umutumikiri weve aduuki kuviruka kuli kitagwa kedoto ikihilaa imiri hasi mu kivala chumu. Siyaali nuvukumi anoho ligondo lilahi, okokora kunyi kumukayirwi mba. Sichali ho ni kindu kuye chukuyaanziza, sichali ho ni kindu ichakakungusi kunyi kuye mba.

Isaya 60:15

“Munyi si mulalekwa, kandi si muladunyirwa mba, Lidaala linene lialekwa kandi mundu si alavitila mulio mba. Ndamukora kuva avanene ligali amakura na amakura. Kandi lilava lidaala linene liu vusangali mihiga ni mihiga.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Jeremia 44:14

Sialakaveho nu mundu kali nulala ku avandu vaatigara Ivuyuda kandi avaazia komenya Egebeti ulihononoka anoho ulihona mba. Sialakaveho nu mundu kali mulala kuvo ulirana nitali vataveeye vakekeeke ku avahaalirayo.”

Jeremia 44:28

Navuzwa vakekeeke ku munyi avalihononoka kutura mu likuza kandi valirana kutura Egebeti kuzia Ivuyuda. Maku yavo avatigara vosi vaza komenya Ivuyuda avalihona valamanya ndi na makuva gange agaveeye giligali anoho na makuva gaavo.

Ezekieli 34:29

Inzi ndaaza ngole milimi jaavo kuva ni ligesa linyingi, kunangwa si navave ninzara anoho kokolelwa kehenyahenye ni zihiiri mba.

Ezekieli 36:8

Navuzwa misaala jiraviruka kandi ku vigulu via Isiraeli, kandi jilama makuyu kigira vandu vange Isiraeli; munyi muveeye ahimbi kwirana yengo.

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Joeli 2:32

Navuzwa vosi avaaniraa Yahova, valahonywe. Kuli Yahova yavoola ‘Avalala mu Jerusalemi valahononoke; yavo avandatovola valahone.’ ”

Joeli 3:18

“Ku ing'inga yeyo, vigulu vilakunikwa ni milimi jimizabibu, kandi mitugu jilanyooleka kuvuli kiguru; mazi galavaho manyingi mumigera josi ji Ivuyuda. Mugera gulituluka kutura mu Litembeli lia Yahova, na gulasama livona lia Shitimu.

Obadia 1:17

“Navuzwa ku kiguru cha Ziyoni avandu valala valakahononoke, kandi halakave havundu hatakatifu. Avandu va Yakobo valakavuguli kivala keveeye chavo ku vulungi.

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Malaki 3:17

Yahova Wuvunyali yavoola, “Valakave vandu vange. Ku lidiku yilio lwa ndikola kekolwa, valakave vandu vange ligali. Ndakavaveere zimbavasi kuli baba aveeraa mwana weve umutumikiraa.

Matayo 24:22

Navuzwa Nyasaye umali kwimbihiza amadiku yago. Alavula kokora ndio, ngano sihaveeyeho nu mundu woosi uwakahoni mba. Navuzwa kigira avatovole veve, Nyasaye alakimbihiza madiku yago.

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

2 Petro 1:16

Sikwereda ku livoora lie zing'ano zio vogeri zitaveeye nu vulungi, ing'inga ya kwamumanyia izingulu zie liza liu Mwami wiitu Yeso Kristo mba, navuzwa kwalola moni na moni ovonene vwivwe.