Isaya 37:36 - KITABU KITAKATIFU

³⁶ Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Isaya 37:36 ပူးပေါင်းရင်းမြစ်များ

2 Samweli 24:16

Lwe engelosi yanyira mukono gwigwe kudiviza Jerusalemi, Yahova yaali novovereri ligali kigira ikivi kandi navolera engelosi uwaali nahaana amageri ku avandu, “Gaduuki! Lekera kuhaana mageri googo.” Engelosi wa Yahova yaali ulwene yilwo ha aloze lwa Arauna Umujebusi.

2 Avami 19:35

Vudiku vwene yivwo, engelosi wa Yahova yazia hokososera ha vandu va Siria ni yita avasikari 185,000. Na lwa vandu vavuuka mugambazuri mumavwevwe, lidiku lialonda ku, henza, avandu yava vosi vaali ni vakuzi!

1 Kyetsinyinga 21:12

Ni mihiga givaga jiinzala? Anoho ni mieli givaga ni wiruka kutura ku amahi ga vasigu vovo? Anoho madiku gavaga aga Yahova avalwaane ni kivavi chiche kandi utumi vulwaye vudamanu ku kivala chicho ipulegi naatumikiranga engelosi weve okoleta likuza mu Isiraeli mwosi? Ni litivuli ki lia mbana ku Yahova?”

1 Kyetsinyinga 21:16

Daudi yalora engelosi nasingiyi mu vwerefu hagati, nagumiyi kivavi chiche mu mukono gwigwe, niyetegeki kudiviza Jerusalemi. Maku Daudi na aviimiliri va avandu, vosi avaari niviviiki zinguvu zia magunia, vaagwa haasi mamumama.

Ayubu 24:24

Ku ing'inga engekeeke vachamu vagasizwa mu linyola, navuzwa vaniala kuli indiva, kandi kuli mitwi ju vuswage vogeseywi.

Ayubu 34:20

Vakuza vwangu mu vudiku hagati. Nyasaye avaduya ma vakuza; na avizingulu vatulizwa ho vugira zinguru ziu mundu.

Kutwula 12:23

Lwa Yahova avitira mu Egebeti ukwita vandu va Egebeti, alalora amasahi ku maliva gi miliango kandi ku vibaho vie miliango zie zinyumba, na alavita ku viliango, kandi sialavugilira Engelosi kwingira mu zinyumba zienyu nukukwita vayaayi vinyu mba.

Kutwula 12:30

Uvudiku yivwo, Mwami, vatumikiri veve, kandi vandu va Egebeti vandi vosi vavukizwa. Liali yo lilira linene mu kivala choosi cha Egebeti, kigira sihaali ho na hango hu Muegebeti ahu mukuzu muyaayi yavula kuvaho mba.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 10:25

Ku ing'inga engekeeke, lihaana mageri liange ku munyi lilahera, maku ndavadiviza.

Isaya 10:26

Inzi Yahova Wuvunyali, ndavakuya ni imbimbu yange kuli ndaakuya avandu va Midia ha lwanda lwa Orebu. Ndahaana amageri ku vandu va Siria kuli ndaakola ku vandu va Egebeti.

Isaya 27:7

Yahova akiri kuhaana mageri malulu ku Isiraeli kuli yahaana ku vasigu vaavo, kandi vakikiri kogotiza vasaza vanyingi mu vulwani kuli vasigu vaavo vagotiza.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 31:8

Avandu va Asiria si valitwa ni kivavi chu mundu mba, navuzwa valitirwa mu vulwani. Avandu va Asiria valiruka kutura mu vulwani, na avasoleri vaavo valagumirwa nokokorwa vatugwa.

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Mika 5:6

Valakamihi kivala cha Asiria nikivavi; kandi kivala cha Nimurodi ni kivavi chetegeki kotema. Valakakohonye kutura ku vandu va Siria lwa valingila kivala chietu, nukogenda mu zinzako zietu.

Nahum 1:12

Yaga nigo ga Yahova avoora ku vandu va Isiraeli. “Kali niiva vandu va Siria vaveeye ni zinguru kandi avanyingi ligali, valakadivizwi kandi valakagote. Avandu vange, ndaamulomba ni musaliraa, navuzwa sindakola ndio kandi mba.

Nahum 3:3

Avasaza vi zibarasi ziu vulwani vingilira, vivavi na matimu vihemahemaa! Miviri javakuzu jivungi kuli kitumi, miviri minyingi ligali jitanyala kuvalizwa. Avandu vagenda ni vikigitara kujo!

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.