Isaya 37:31 - KITABU KITAKATIFU

³¹ Yavo avalitigala vihiiri yi Ivuyuda valamedeka kuva vanyingi kuli misaala jihilaa miri musi mu malova nukwama makuyu malahi.

Isaya 37:31 ပူးပေါင်းရင်းမြစ်များ

Zaburi 80:9

Inyima lwa waali ni wakakua zihiiri zindi yizio kutura mu kivala cha Kanaani, avandu vovo vaavugura kivala ni vamenya mu. Kandi vameedeka ligali kuduuka niviizura kivala choosi.

Zaburi 92:14

Avaamaa makuyu mu vusakulu vwavo, kandi vaveeye kuli amatu mavisi kandi agizingulu.

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 37:4

Mwami wa Asiria utumi mwimiliri wa vatumikiri veve kuuza konyega Nyasaye oveeye mwoyo. Yahova Nyasaye woovo ahuliri manyego yaga ma ahaane mageri ku yavo avagamolomi. Kunangwa usaale ku Nyasaye kigira avandu viitu avatigara mwoyo.”

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Jeremia 31:7

Yahova avoora, “Mwimbi nuvusangali ku Isiraeli, ihiiri eveeye enene ligali mu ziosi. Mwimbi lwimbu lwinyu lwi lizominya kovora, ‘Yahova amali kohonyia avandu veve; amali kosoola yavo vosi avatigara.’

Jeremia 44:28

Navuzwa vakekeeke ku munyi avalihononoka kutura mu likuza kandi valirana kutura Egebeti kuzia Ivuyuda. Maku yavo avatigara vosi vaza komenya Ivuyuda avalihona valamanya ndi na makuva gange agaveeye giligali anoho na makuva gaavo.

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Varumi 11:5

Kunangwa nindio kandi gaveeye ing'inga ya kalunu. Vaveeye ho vandu vakekeeke avatigaye ava Nyasaye amali kotovola kigira zimbavasi zizie.

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

Vagalatia 3:29

Niiva muveeye ava Kristo, ahene yaho muveeye visukululwi via Aburahamu kandi munyi mulanyola miandu ja Nyasaye yasuuviriza.