Isaya 37:29 - KITABU KITAKATIFU

²⁹ Mali konyoora makuva gu vutima vuvwo ku inzi kandi mbuliyi liegingira liilio ku inzi, ndavika endoani mu amuulu googo, kandi lijamu mu munwa mumwo na ndakwiranyira kunzira ya waazira ku.”

Isaya 37:29 ပူးပေါင်းရင်းမြစ်များ

Ayubu 41:2

Unyala kovoha mugoye guvitiri mu muulu gayo? Anoho ufuduli ulusaya lwayo ne ndoani?

Zaburi 32:9

Utava musiru kuli ibarasi anoho sukiri mba, iziamiifwa ni lijamu kandi olokova mu minwa jazio kuzikola zihuliri amalago nukumanya uwazienyekaa zizie.”

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Zaburi 74:23

Utivilira lihanzuka liu vutima lia vasigu vovo; utivilira liyoga lia vasigu vovo vazizagiliraa kokora mba.

Zaburi 74:4

Avasigu vovo vaahumi kuli zisimba mu vuguuti mu Litembeli liilio; vamali kuviika zibendera ziavo umwene yimwo kuli kelolero chi liguuta.

Zaburi 83:2

Henza! Avasigu vovo vakora liebaala, kandi yavo avakudunyiraa vamali kokokolera kivihiri.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 30:28

Atumaa imbuza imbiri weve, kuli mugera gwa amazi ugumali kwizura guhilana vuli kindu keveeye imbiri wagwo! Alahaana amageri ku zihiiri nu kuzidiviza ligali kandi aheliza liloohiza liavo lidamanu.

Isaya 36:10

Muganaganaa ndali kwingilira kivala chienyu nukukidiviza vugira Yahova kongonya? Yahova mwene yambolera nduuki kuchingilira nukudiviza.”

Isaya 36:4

Maku Rabishake, mwimiliri wa vatumikiri va Asiria yavavolera, “Voleli Hezekia ndi, mwami munene wa Asiria amuteeva, vuluviliri vwivwe vwidiira kuliha?

Isaya 37:10

wivuyuda kumuvoleraa; “Utaleka umunyasaye wa usuviraa mu akugaade nu kukovolera ndi Jerusalemi silagwa mu makono gange mba.

Isaya 37:34

Aliranira kunzira ya yaazira ku, vugira kwingira mu lidaala yili. Inzi Yahova mali kovora.

Isaya 37:7

Yahova alakola mwami wa Asiria kuhulira ulusuma ulwazalumukole yirane mu kivala chiche mwene, kandi Yahova alamukola yiitirwi yo.’ ”

Ezekieli 29:4

Ndavika zindohani muzisaya zizio, kandi ndakora zisuzi ziu mu migera zihande kuive. Inzi ndakungusa kutura mumugera gwa Naili, nizisuzi ziosi nizihaandi kuive.

Ezekieli 35:13

Inzi mali kuhulira liegingira lienyu, nu kovora, makuva madamanu ku inzi.”

Ezekieli 38:4

Ndamugirung'anya yiyi na yiyi, nukuviika zindohani mu zisaya zizie, kandi ndamukunga harara na vasikari vi liihi veve vosi kuzia ihale, harara ni zibarasi kandi avasaza vi zibarasi vanyingi, kandi vuli musikari oveeye ni inguuva kandi yiyavaye kivavi ni inguva.

Amosi 4:2

Kuli Yahova Nyasaye Wuvunyali umali kwisuuha ku lieta lilie litakatifu ndi, “Madiku gaaza ku munyi lwa kunguswa ni zindoani, na vuli mulala munyi alavugulwa kuli zisuzi ku zindoani.

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”

Vikolwa 22:22

Avandu yavo vahuliriza Paolo kuduuka lwa yavoola likuva liu kuzia ku avandu vi zihiiri. Navuzwa vatanga kuhanzuka nivavoora, “Tulizi mundu ku lirova; mundu wu lugano yilu siaduukanaa kuva mwoyo mba; mwiti.”

Vikolwa 9:4

Yagwa hasi naahulira mwoyo nigumuvoolera, “Saolo, Saolo! Kigira ki undambizaa?”