Isaya 37:26 - KITABU KITAKATIFU

²⁶ “Ivi ukikiri kuhulira ndi ndalohiza yaga goosi kutura madiku ga kale? Na kalunu inzi mali kugadukiza. Ndakuha zinguru ukugirung'anyia madaala manene gizimbinga kugwa vitumi via mang'anye.

Isaya 37:26 ပူးပေါင်းရင်းမြစ်များ

Litanga 50:20

Munyi mwandohizira muvwivisu zing'anagani ziu vudamanu, navuzwa Nyasaye yazigirung'anyia kugwa uvulahi, kunangwa aduuki kohonyia avandu vanyingi kalunu kigira agekoleka.

Zaburi 17:13

O, Yahova, hing'ana na vasigu vange na uvaguute! Ombonyie kutura ku avadamanu nikivavi chicho.

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Isaya 10:15

Navuzwa Yahova avoora, “Imbaazi inyala kwevoora kuva enene ligali kuvita umundu ugitumikiraa? Musumeno gunyala kuva nilizominywa kuvita mundu ugutumikiraa? Imbimbu si inyala kuginga mundu mba, navuzwa mundu agingaa imbimbu.”

Isaya 17:1

Yahova yavoola, “Damasiko sililava lidaala linene kandi mba. Lilava vuzwa kitumi chi vianyi.

Isaya 22:11

Kandi mwalomba Lidavalia lia amazi ilihia hagati hi lidaala linene, liduuki kuva na mazi kutura mu lidavalia lia kale. Navuzwa si mwenya kuhulira Nyasaye uwalohiza yago goosi kokoleka mu madiku ga kale.

Isaya 40:21

Munyi mukikiri kumanya? Munyi mukikiri kuhulira? Munyi mukikiri kovolerwa kutura mu litanga? Mukikiri kumanyiriza kutura lirova nililombwa?

Isaya 40:28

Munyi mukikiri kuhulira? Kandi mukikiri kumanya? Yahova aveeye Nyasaye wi mihiga ni mihiga; uwalomba ligulu ni lirova. Sialuhaa anoho siakuzaa umwoyo mba. Siaveeye ho mundu umanya zing'anagani zizie mba.

Isaya 45:7

Ndaalomba uvulavu kandi kisundi, ndeta uvugasu kandi ikivi. Inzi, Yahova, ngolaa vindu yivi viosi.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.