Isaya 35:6 - KITABU KITAKATIFU

⁶ Mundu mulema alatumatuma kuli kisusu, kandi yavo avaveeye zidimbidi, zinimi ziavo zilimba nukusangara. Amazi galasinuka mwigendanyama, kandi togera twa mazi tulituruka kuvitira mu changarangwi.

Isaya 35:6 ပူးပေါင်းရင်းမြစ်များ

Nehemia 9:15

“Lwa vaali ninzara, wavaha mugadi kutura mwigulu, na lwa vaali nuvuluhu, wavaha amazi kutura ku lwanda. Ivi wavavolera vavuguli kivala icha waali nuwavasuuviriza ndi ulavaha.

Zaburi 107:35

Yaagirunganyia viangalangwe kugwa madavalia ga mazi, kandi yakola kivala chumu kugwa visenukiru via mazi.

Zaburi 46:4

Haveeye numugera ogoleetaa uvusangari mu lidaala linene lia Nyasaye, ku inyumba indakatifu ya Nyasaye oveeye igulu ligali.

Zaburi 51:15

O, Yahova, ongonye komoloma; na inzi ndakwizominya.

Kutwula 17:6

Inzi ndasingira imbiri woovo ku lwanda ha Kiguru cha Sinai. Uduyi kulwanda zana, na amazi galasinuka kulwo ma avandu vanwi.” Musa yakola ndio imbiri wa aviimiliri va Isiraeli.

Isaya 30:25

Ku ing'inga yene yeyo, lwa minaara javasigu vinyu jirakagumilwi na vandu vaavo kwitwa, migera ja amazi jilakatuli kutura kuvuli kiguru kitambi.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 32:4

Valava ni liekuzira, navuzwa valakola ni limanyiriza, kandi valavoora agaveenya.

Isaya 33:23

Ivi Ziyoni, migoye jijo gidengeyi, sijinyala kovoha inguvu yiliato ku mulage gwalio mba, kandi sivanyala kovoholora inguvu yi liato mba. Navuzwa vinyingi vilagavulanywa; kali avalema valavugula kidieli chavo chi viranye.

Isaya 35:1

Changarangwi kandi kivala chumu vilasaangala, kandi vimuli vilalaviza mwigendanyama.

Isaya 42:11

Avandu vamenyi mu changarangwi, kandi avandu vamenyi mu madaala vizominye Nyasaye; avandu vamenyi mu madaala ga Kedari vamwizominye! Avandu vamenyi mu lidaala lia Sela vimbi ni vasaangala kutura kuzindongozi zie vigulu.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 48:21

Yahova yimilira avandu veve kuvitira muchangalangwe ichumu kandi kihiu ligali, navuzwa sivali nuvuluhu mba. Nyasaye yavaha amazi kutura mu lwanda, yatanyia ulwanda, na mazi gaturaa mu.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Joeli 3:18

“Ku ing'inga yeyo, vigulu vilakunikwa ni milimi jimizabibu, kandi mitugu jilanyooleka kuvuli kiguru; mazi galavaho manyingi mumigera josi ji Ivuyuda. Mugera gulituluka kutura mu Litembeli lia Yahova, na gulasama livona lia Shitimu.

Zekaria 14:8

Lwi lidiku yili liliduuka, mazi gilivamwoyo galakituruki kutura Jerusalemi, inusu yago galakazie mu inyanza yi jumbi, na inusu yindi galakazie mu inyanza ya Meditareniani. Amazi yaga galakituruki muhiga gwosi mu ing'inga yi kemeyu kandi mu ing'inga yi mbula.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Livalidza 20:11

Kunangwa Musa yaginga imbimbu nakuya ku lwanda haali kaviri, nu mugela munene gwa mazi gwasinuka, kunangwa vandu vosi ni mitugu vanwa mazi.

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 12:22

Ahene yaho valetera Yeso mundu mulala muvoku kandi uwaali idimbidi kigira lidemoni liali ni liamugumira. Yeso yamuhonyia kuduuka namoloma kandi nalora.

Matayo 21:14

Avavoku na avalema vaza kuye mu Litembeli, naye yavahonyia.

Luka 1:64

Ahene yaho munwa gwa Zakaria gwigulika nululimi lwilwe lwanguha manaamolomaa nakuminya Nyasaye.

Luka 11:14

Lidiku lilala Yeso yaali natulizaa lidemoni ilialomba mundu mulala kuva idimbidi. Lwu lidemoni liatura, mundu waali idimbidi oyo yamoloma; avandu vagenya ligali.

Vikolwa 3:2

Ahene yaho, ha kiliango chi Litembeli ichalangwa “Kirivwa Kilahi,” yaali ho mundu mulala uwaali mulema kutura niyiivulwa. Vuli lidiku yagingwa nukuhirwa ha kirivwa zana, aduuki kusava mabese kutura ku vandu avingiraa mu Litembeli.

Vikolwa 8:7

Kigira mademoni gaali ni gagumira avandu vanyingi, gaturaa nigahanzuka nigalira; kandi avanyingi avaari nivafogoya, na avalema, vahonywa.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.