Isaya 35:4 - KITABU KITAKATIFU

⁴ Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 35:4 ပူးပေါင်းရင်းမြစ်များ

1 Kyetsinyinga 28:20

Mwami Daudi yavolera muyaayi weve Solomoni, “Uve mugulu kandi muluviliri. Tanga likora miyinzi na utaleka kindu kali kilala kukusingiriza mba. Yahova Nyasaye wange, alava harara nivi. Yahova si alakoleka mba. Alava nivi kuduuka lwi miyinzi yigi josi jiu vwumbaki vwi Litembeli lilie gitweeka.

Zaburi 116:11

Kali lwa ndaali nuvuti ndaavoora, “Siaveeye ho nu mundu unyala kusuuvirwa mba.”

Zaburi 145:19

Ahaanaa lienya lia yavo vosi avamutizaa, ahuliraa lirira liavo nukuvahonyia.

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Zaburi 94:1

O, Yahova, ivi oveeye Nyasaye uvanzaa kisaalia ku vasigu vovo; uvuli uvutima vuvwo kuvo.

Isaya 1:24

Kunangwa kalunu, muhuliri aga Yahova Wuvunyali, Nyasaye Wizingulu wa Isiraeli, avoora: “Ndavanza kisaalia ku munyi, avasigu vange, na simulangubiza kivi kandi mba.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Isaya 31:5

Inzi Yahova Wuvunyali ndakinga kandi ndahonyia avandu va Jerusalemi, kuli linyonyi likumberiza nokohonyia avana valio.” Kunangwa inzi Yahova Wuvunyali ndakinga kiguru cha Ziyoni.

Isaya 32:4

Valava ni liekuzira, navuzwa valakola ni limanyiriza, kandi valavoora agaveenya.

Isaya 33:22

Kigira Yahova aveeye mukalagi wiitu; alakakohonyie.

Isaya 34:8

Yiyi niyio ing'inga lwa Yahova alakahonyie avandu va Ziyoni nu kuvanza kisaalia ku vasigu veve.

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Isaya 37:6

Isaya yavavolera, “Muvoolere mwami, ‘Yahova avoora: Utatia kigira makuva gawaahulira mba, aga vatumikiri vu mwami wa Asiria vamali kovora sianyala kukohonyia mba.

Isaya 40:2

mudinyirizi avandu va Jerusalemi. Muvavoolere ndi uvusaaliri vwavo vumali kohera na kalunu mali kuvasamiiha uvwoni vwavo vwosi, kandi mali kuhaana mageri gange kuvo kigira uvwoni vwavo vwosi.”

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 47:3

Avandu valalola chahonyo chiinyu, kandi mulava mu zisoni. Ndatunga kisaalia, na sindaleka mundu kali mulala mba.”

Isaya 49:25

Yahova yiranyia amativuli ndi, “Kali musikari muluviliri anyala kunyagwa ivilanye vivie. Kandi avahambe valasoolwa kutura ku mundu mululu. Ndalwaana na vasigu vinyu, kandi ndahonyia avana vinyu.

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Isaya 59:18

Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Isaya 63:4

Ndaakalaga ndi ing'inga yo kohonyia avandu vange imali kuduuka; yaali ing'inga yu kuhaana mageri ku vasigu vaavo mu livaanza kisaalia.

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Isaya 7:4

Umuvolere ahenzerizi kandi yiituliri na atatia anoho kukuza mwoyo mba. Uvutima vwu mwami Rezini na Vasiria veve kandi mwami Peka sivaveeye nuvuhimwa ligali kuli mwoki gwi vigenga viviri mba.”

Danyeli 10:18

Oyo waloleka kuli mundu ya ndiraa kandi yamba zinguru.

Danyeli 10:19

Yavoola, “Nyasaye yakuyaanza, ku lwayago utaleka kindu choosi kikuhendizi mwoyo anoho kikutiihizi mba.” Lwa yaali ni yakavoola yaga, ndanyoora nzingulu kandi ni mboraa, “Mwami wange, moloma na inzi kigira ombeeye zinguru.”

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Haggai 2:4

Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Luka 21:28

Lwi vindu yivi vilitanga kokoleka, musingiri vudinyu na mudiguluri imitwi jinyu igulu, kigira ovohonyi vwinyu voveeye ahimbi.”

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

1 Vatesalonike 5:14

Kumuzuvaa munyi avaamitu viitu, muliganihizi avagata, muluvirizi vati, mukoonye avadedekere, kandi mwikuziri ku avandu vosi.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!

1 Samweli 23:17

namuvolera, “Utatia mba. Baba wange Saolo si alanyala kukusaliriza mba. Umanyi vulahi ndi ivi niyie uwaza ove mwami wa Isiraeli, ma kandi inzi ndava wakaviri mu vonene ku ivi.”