Isaya 35:2 - KITABU KITAKATIFU

² Changarangwi kilimba nu kusangara; kilava kilahi kuli vigulu via Lebanoni, kandi kilava kigunamu kuli milimi ji vigulu via Karimeli na Sharoni. Vuli mundu alalola vukumi vwa Yahova, kandi alole zinguru novonene vwivwe.

Isaya 35:2 ပူးပေါင်းရင်းမြစ်များ

1 Kyetsinyinga 16:33

Misaala giveeye mu militu girasangala imbiri wa Yahova, lwa Yahova yaazaa kukalagira avilirova.

1 Kyetsinyinga 27:29

Shitirai yaali mwimiliri wi biayo mu kereremo cha Sharoni. Shafati muyaayi wa Adilai, yaali mwimiliri wi viayo mu mavoona.

1 Kyetsinyinga 5:16

Vamenya mu kivala cha Bashani na Gileadi, mu madaala gaali yo kandi muvivala viu vwayiru vwa Sharoni.

Zaburi 50:2

Nyasaye ang'ereng'anaa kutura ku kiguru cha Ziyoni, lidaala liveeye lilahi ligali kandi liduukiru!

Zaburi 72:16

Leka have nuvuswage vunyingi mu kivala; vigulu vizuri ligesa kuli lie kiguru cha Lebanoni. Leka madaala manene gizuri avandu kuli milimi gizuyi uvunyasi!

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Zaburi 89:12

Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Zaburi 97:6

Vigulu vilandizaa vulungi vwivwe, kandi zihiiri ziosi zilolaa vukumi vwivwe.

Kutwula 16:7

Mugambazuri mulalora vukumi vwa Yahova. Kigira umali kuhulira lielilira lienyu; yee, mumuhing'anaa, kigira kunyi kolondaa nokokola vuzwa amalago geege.”

Lwimbu lwa Solomoni 2:1

Inzi mbeeye kuli kimuli chakanyu cha Sharoni, kandi mbeeye kuli kimuli kilavu chu mulivona liu mukigulu.

Lwimbu lwa Solomoni 7:5

Mutwi gugwo gwa singira vulungi kuli kiguru cha Karimeli. Liisu liilio lia sitwa ling'ereng'anaa kuli inguvu indahi, vulahi vwalio vunyala kuviika mwami muvuhambe.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 32:15

Navuzwa ing'inga yindi kandi Nyasaye alakuhanira Roho viamo. Kivala chi changarangwi kilava mulimi mugunamu gwi viavo.

Isaya 33:9

Kivala keveeye king'anye kandi icheele. Militu ja Lebanoni jiniaye, Livona ligunamu lia Sharoni ligwi kuli ichangalangwe, kandi amatu gahalulukaa kutura ku misaala mu kivala cha Bashani kandi ku kiguru cha Karimeli.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 40:5

Maku uvukumi vwa Yahova vulaloreka na vandu vosi valavolola. Yahova mwene umali kulaga yaga.”

Isaya 40:9

O, Munyi avandu va Jerusalemi, mwanigiri kuzia ku kiguru kitambi na mulandizi Likuva lilahi! Munyi avandu va Ziyoni, mulandizi nu mwoyo munene likuva lilahi! Mulandizi na mutatia mba, muvoolere avandu va madara gi Ivuyuda ndi, “Nyasaye wavo yaazaa.”

Isaya 41:19

Ndakakole misaala ji midaragwa, vikuma, amavono kandi mizeituni kumera mu changarangwi. Militu ji misaala ji miberozi, mivinje kandi misunobari kuviruka mu changarangwi.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Isaya 60:13

“Misaala milahi ligali kutura mu mulitu gwa Lebanoni, midaragwa, mitimbao kandi miduguyu jilaletwa kutumikirwa kwumbaka uvuhia lidaala linene lia Jerusalemi, kolomba Litembeli liange kuva linifu, kandi kolomba lidaala liange kuva liu uvukumi.

Isaya 60:19

“Liuva si lilava uvulavu vwinyu vwu mbasu mba, anoho umweli sigulava uvulavu vwinyu vwu vudiku mba; Inzi Yahova, ndava uvulavu vwinyu mihiga ni mihiga; uvulavu vwu vukumi vwange vulang'ereng'ana ku munyi.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 66:10

Musangare harara na Jerusalemi, O, munyi avayaanzaa lidaala linene yili! Musangare harara nalio kalunu, musangare harara nalio kalunu O, munyi mwosi, avamali kulisiomera!

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Hosea 14:5

Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Habakuk 2:14

Navuzwa kivala kilakave ni limanya linyingi liu vukumi vwa Yahova kuli zinyanza zizura mazi.

Zekaria 10:7

Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Yohana 12:41

Isaya yavoola vindu yivi kigira yalora uvukumi vwa Yeso, kandi navoora amakuva geege.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Vikolwa 9:35

Vosi avamenya mu Liida nu mu Saroni valora Aineya, navo vosi vagirung'ana nivazia ku Mwami.

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”

Varumi 15:10

Mang'oda Matakatifu gavoora “Musangare, vandu vizihiiri vosi, harara na vandu va Nyasaye!”

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Joshua 19:26

Alamelechi, Amadi, kandi Mishali. Lwadiira ku madaala manene ga Karimeli na Shihori Libuna kolovega lwimadioli.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.