Isaya 35:10 - KITABU KITAKATIFU

¹⁰ Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 35:10 ပူးပေါင်းရင်းမြစ်များ

Zaburi 107:2

O, munyi mwosi ava Yahova yahonyia, mwiranili kovora amakuva yaga, mu lizominya Yahova, umali kumuhonyia kutura ku vasigu vinyu,

Zaburi 126:2

Kwaaseka nikwiimba ligali kigira uvusangari! Maku avandu vi zihiiri zindi vavoola: “Yahova uvakoleeye vindu vinene ligali.”

Zaburi 126:5

Leka yavo avamiiza uvuguza namaliga, vaavungize ligesa nuvusangali!

Zaburi 14:7

Inzi ndakayanzi ndi uvuguuti kutura Ziyoni kuuza ku vandu va Isiraeli! Vulakave vusangali ki, ku vandu va Isiraeli, lwa Yahova alivalomba kuva nu vutugi kandi!

Zaburi 51:8

Leka mbuliri mioyo juvusangali nuvuyanzi; na kaliva unduvulanyi, nukumbunanyia, inzi ndava nuvuyanzi kandi.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Isaya 1:27

Kigira Yahova aveeye mulungi, alahonyia Jerusalemi kandi ku woosi uwiganiraa.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 30:19

O, munyi avandu va Ziyoni, avamenyi mu Jerusalemi, si mulasioma kandi mba. Yahova aveeye wizimbavasi, kandi lwamumwanira amukonye, alamutivulira.

Isaya 35:2

Changarangwi kilimba nu kusangara; kilava kilahi kuli vigulu via Lebanoni, kandi kilava kigunamu kuli milimi ji vigulu via Karimeli na Sharoni. Vuli mundu alalola vukumi vwa Yahova, kandi alole zinguru novonene vwivwe.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 41:16

Mulavwilura nimbuuza ilatulizamu mukuzi, kandi ilasalanyia mukuzi zana yigwo. Maku mulasangala kigira mulizominya inzi Yahova winyu, inzi Nyasaye Mutakatifu wa avandu va Isiraeli.

Isaya 60:20

Liuva lienyu si lilayeera mba, anoho mweli gwinyu si gulatulaho mba; Inzi Yahova ndava uvulavu vwinyu mihiga ni mihiga, kandi amadiku gi lisioma lienyu galaduuka ku keheri.

Isaya 61:7

Zisoni zienyu ziduuki ku keheri. Munyi namumenye mukivala chiinyu aveene, kandi uvuhinda vwinyu vulamedeka; kandi mulava nu vusangali mihiga ni mihiga.

Isaya 65:18

Kunangwa muyanze kandi musangare mihiga ni mihiga mu via inzi nombaa. Jerusalemi imbia ya inzi nombaa, ilava yu vusangali ligali, kandi avandu vi lidaala yili valava nuvuyanzi.

Isaya 65:19

Inzi ndasaangalira Jerusalemi, Kandi ndayaanzizwa na vandu vange vi lidaala yili. Lisioma kandi lilira si vilavaho mba.

Isaya 9:3

Yahova ivi umali kuvaha uvusangari vonene ligali; uvakoli kuva nuvuyanzi. Vasangalira mu cha umali kokora; kuli avandu vasangala lwa vagesa vuswage vwavo, anoho lwa vagavulana vilaanye.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Yohana 16:22

Munyi kandi muveeye novovereri kalunu; navuzwa ndakavalole kandi, na munyi mulizula vusangali mu mioyo jinyu, nu vusangali vwinyu vwene yivwo sihaveeyeho numundu ulivutuliza ku munyi mba.

Yudasi 1:21

Mumenye mu vuyanzi vwa Nyasaye, ni mulindiliraa liu Mwami wiitu Yeso Kristo muzimbavasi amuhe ilivamwoyo lie mihiga ni mihiga.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”