Isaya 34:17 - KITABU KITAKATIFU

¹⁷ Ni Yahova mwene uligavula kivala hagati ha vandu veve, kandi vuli mundu alakanyoole kedonye chiche. Valakamenya mu kivala yiki kutura ku likula kuduuka kulikula lindi na kilakave chavo mihiga ni mihiga.

Isaya 34:17 ပူးပေါင်းရင်းမြစ်များ

Zaburi 78:55

Yakunga zihiiri ziamenyaa mu imbiri wavo; yagavulira zihiiri zia Isiraeli kivala yicho keve miandu javo, kandi na haanaa zinyumba ziavo ku vandu veve Isiraeli vamenye mu.

Isaya 17:13

Mahi gi zihiiri gaaza kuli muriviti gwa mazi manene, navuzwa Nyasaye alagagondokera nago galiirukira ihale ligali. Galakungwa kuli mukuuzi ku vigulu imbiri wi imbuza ihuuzaa; valakungwa kuli luguki luhilwa ni kihuzuzi.

Isaya 17:14

Valeta vutihizi vonene hamugorova, navuzwa vaatura ho mugambazuri. Yiki nicho keheri cha yavo avalanyaa miandu jietu; kandi kidieli cha yavo avakunuulaa kivala chietu.

Isaya 34:10

Kivala kilasambwa mbasu nu vudiku, kandi mwochi gulavuuya mucho mihiga ni mihiga. Kivala kilatigala hazwa kutura ku likula yili kuduuka ku likula lindi, kandi si halavaho nu mundu kali mulala ulivitira hagati hacho kandi mba.

Isaya 34:11

Navuzwa amave, amakuure, amajikoro, vilungu kandi zinyama zindi zio muvulimu zilamenya mu kivala yiki. Yahova alakekola kuva chere kuli chaali mulitanga.

Jeremia 13:25

Umali kovora ndi yiki kilava kivi chienyu. Yili nilio liamali kotovola akole ku munyi kigira mumali kumwivirira kandi musuuviraa muvanyasaye vuvugadi.

Vikolwa 13:19

Yadiviza zihiiri saba zie kivala cha Kanaani, nahaana ku avandu veve kivala yicho keve umwandu gwaavo.

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Kwidzulitsa 32:9

Kidieli cha Yahova keveeye avandu veve visukululwi via Yakobo viveeye miandu jije.

Joshua 18:8

Avasaza yavo vatura ni vazia kunzira yaavo kuzia kong'oda ilivaala lie kivala zana inyima wa Joshua yaali ni yakamala kuvaha amalago yaga: “Muzie mu kivala yicho choosi, mung'ode livaala liacho kuli keveeye, kandi mwirane yinu ku inzi. Kandi hano mu Shilo ndamutevera Yahova ku likubiza ikura.”