Isaya 34:10 - KITABU KITAKATIFU

¹⁰ Kivala kilasambwa mbasu nu vudiku, kandi mwochi gulavuuya mucho mihiga ni mihiga. Kivala kilatigala hazwa kutura ku likula yili kuduuka ku likula lindi, kandi si halavaho nu mundu kali mulala ulivitira hagati hacho kandi mba.

Isaya 34:10 ပူးပေါင်းရင်းမြစ်များ

Isaya 1:31

Kuli uluvuva luhambizwa muliru neesese, nindio kandi vasaza vi zinguru valadivizwa muvikolwa viavo vidamanu, na sihalava numulala unyala kugaya lidivizwa zana yilio mba.

Isaya 13:20

Mundu sialakamenye mu lidaala yili kandi mba, anoho Avaharabu vagendagenda si valakumbake amahema gaavo mu lidaala yili mba, kandi avayi si valakaloombe mu uvwayiru ku mitugu jaavo mba.

Isaya 24:1

Henza, Yahova azizaa kudiviza lirova nukulikola hazwa. Alagirung'anyia lirova nukusalanyia vandu vamenya mulio.

Isaya 34:17

Ni Yahova mwene uligavula kivala hagati ha vandu veve, kandi vuli mundu alakanyoole kedonye chiche. Valakamenya mu kivala yiki kutura ku likula kuduuka kulikula lindi na kilakave chavo mihiga ni mihiga.

Isaya 66:24

“Avandu vosi valazia nokohenza ku miviri jakuza jayavo avamala kwibaala ku inzi. Zing'ende zililia miviri jaavo na si zilakuza mba, kandi muliru guvasamba si gulasiminywa mba, kandi valava chu kuvihiliriza ku vandu vosi.”

Jeremia 49:18

Kindu kilala chere kilakekoleke ku Edomu kuli chekoleka ku Sodoma na Gomora, lwa ndagadiviza harara namadaala agaali himbi. Mundu kali mulala si namenye mu lidaala yili kandi mba. Inzi, Yahova mali kovora.

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Ezekieli 29:11

Umundu anoho zinyama si nazigende mu mba. Ku mihiga 40 ikindu si kilakamenye mu mba.

Nahum 2:10

Lidaala lia Nineve limali kudivizwa, limali kolekwa kandi litigaye hazwa! Avandu vizuyi uvuti, amalu gaavo gadegeraa, kandi zinguru ziavo zifeye. Mumoni mwavo kusamuka.

Likunula 18:18

Vaalira lwa valora mwoki gwi lisaambwa lialio, nivavoora; “Lidaala ki iliali kuli lidaala linene yili?”

Likunula 19:3

Kandi vaahanzuka haali kaviri nivavoora, “Haleluya! Umwoki gwu muliru gusaambanga lidaala linene lia Babiloni, gulavuuya mihiga ni mihiga. Amini.”