Isaya 33:23 - KITABU KITAKATIFU

²³ Ivi Ziyoni, migoye jijo gidengeyi, sijinyala kovoha inguvu yiliato ku mulage gwalio mba, kandi sivanyala kovoholora inguvu yi liato mba. Navuzwa vinyingi vilagavulanywa; kali avalema valavugula kidieli chavo chi viranye.

Isaya 33:23 ပူးပေါင်းရင်းမြစ်များ

2 Avami 7:16

Avandu va Samaria vazia vwangu ni valanya ahokososa ha vandu va Siria. Kandi, kuli Yahova yaali navooye, zikilo zivaga zie ingano indahi anoho zikilo sita zie ishairi ziagulizwa ku kedonye kilala chifeza.

2 Avami 7:8

Lwa vasaza vane yavo vaduuka kundulu kwo hokososa, vingira mu lihema, ni valia no kunwa ichaali mu ni vavugura izahabu ni feza ya vanyoola, ma ni vazia ihale kuvivisa. Maku virana, ni vingira mu lihema lindi ni vakora malala mere.

2 Kyetsinyinga 20:25

Lwu mwami Jehoshafati harara ni liihi lilie vazia kuvugura ivilanye kutura kuvo, vanyoola zing'ombe vinyingi ligali, viukulia, zinguvu ni viju vindi viny'ingu viu vuguli vudinyu. Vavugura ni vaviginga ku madiku 3, kigira viali vilaanye vinyingi ligali.

Zaburi 68:12

Avami na mahi gaavo viiruka! Avakali mu hokososa haavo vagavulana vilaanye:

Zaburi 68:13

Kali niiva vaatigara mu vigo via magondi, vagavulana vilanye kuli zimbaha zia makuulu ziavakwa ifeza, na amavaha gazio gaavakwa izahabu indahi.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 33:21

Yahova alakakumanyia kunyi uvukumi vwivwe. Kulamenya ahimbi ni migera migalamu kandi notogera, navuzwa zimeri ziu vulwani sizileelema kujo mba.

Isaya 33:4

Kunyi kwingiliraa avasigu viitu kuli kekoonya chi zisigi; kunyi kuvuguraa ivindu viavo viosi.

Isaya 35:6

Mundu mulema alatumatuma kuli kisusu, kandi yavo avaveeye zidimbidi, zinimi ziavo zilimba nukusangara. Amazi galasinuka mwigendanyama, kandi togera twa mazi tulituruka kuvitira mu changarangwi.

Ezekieli 38:13

Avandu va Sheba na Dedani kandi avakiranyi kutura mu madaala ga Sipeini, navakoteeve ndi, ‘Ivi umali kuvungiza liihi liilio nu kwingilira kuduuka ulanye? Uganagana konyoora izahabu, ifeza, mitugu kandi miandu nu kuzia navio viosi?’ ”

Vikolwa 27:19

Lidiku lia kavaga vatanga kandi vasiuva mumazi vindu vie emeri.

1 Vakorintho 1:27

Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

1 Samweli 30:10

Daudi yaazizagilira nologendo lwilwe na vandu 400; avandu vandi 200 vaali nivaluhi ligali kwambuka kagera zana; kulwayago, vaatigara inyima.