Isaya 33:22 - KITABU KITAKATIFU

²² Kigira Yahova aveeye mukalagi wiitu; alakakohonyie.

Isaya 33:22 ပူးပေါင်းရင်းမြစ်များ

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Nehemia 10:14

Aviimiliri va vandu avaviika ku mihuri jaavo ni yava: Paroshi, Pahazi Moabu Elamu, Zatu Bani;

Zaburi 44:4

Ivi oveeye mwami wange kandi Nyasaye wange, kandi uhaanaa liguuta ku vandu vovo; visukululwi via Yakobo.

Zaburi 44:5

Kunyi kwa guuta avasigu viitu, kuvitira kuzinguru zizio, kwaduvaga nukwita avasigu viitu.

Zaburi 50:6

Ligulu liosi limanya ndi, Nyasaye aveeye mulungi, kandi niye umwene ukalagiraa avandu veve.

Zaburi 74:12

Navuzwa ivi O, Nyasaye, oveeye mwami wiitu kutura kale; ivi wakola manyingi kokohonyia haali kanyingi.

Zaburi 75:7

Navuzwa Nyasaye mwene niyie oveeye mukalagi; Agehizaa zinguru zia valala, kandi anenehiza zinguru zia avandi.

Zaburi 89:18

O, Yahova, ivi oveeye mukingi wiitu, ivi Nyasaye Mutakatifu wa Isiraeli, wakuha mwami wiitu.

Zaburi 98:9

kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 16:5

Maku mulala ku visukululwi via Daudi alava mwami, kandi alamiiha avandu nu vusuuvirifu kandi nuvuyanzi. Alava mwangu kokora agaveeye malungi, kandi alalola ndi likalaga liuvulungi likoleywe.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 33:17

Mulalora kandi mwami niyamiha mu vukumi vwivwe ku kivala kivambukaa kuduuka ihale mu zimbega ziosi.

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Isaya 41:21

Yahova, mwami wa avandu va Isiraeli avoora ndi; “Munyi avanyasaye vi zihiiri, muvoore amakuva ginyu. Kandi muhaane vivuni vilahi via makuva ginyu.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 49:25

Yahova yiranyia amativuli ndi, “Kali musikari muluviliri anyala kunyagwa ivilanye vivie. Kandi avahambe valasoolwa kutura ku mundu mululu. Ndalwaana na vasigu vinyu, kandi ndahonyia avana vinyu.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 51:4

“Mumbulirizi, munyi avandu vange, muhulirize ku ichambolaa. Mbana amigizu gange ku zihiiri; malago gange galavaletera uvulavu.

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 51:7

“Mumbulirizi munyi avamanyi agaveeye malungi, munyi avaveeye na malago gange mu mioyo jinyu. Mutatia lwa vandu vamuhenyahenyaliza nukumunyega mba.

Isaya 60:16

Zihiiri kandi Avami valalinda liiva lienyu kuli mama alindaa mwana weve. Mulamanya ndi, Inzi Yahova, mali kumuhonyia, kandi Nyasaye wi zinguru wa vandu va Isiraeli, umali kumuvoholola.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Matayo 21:5

“Muvoolere lidaala lia Jerusalemi, Henza, mwami woovo yazaa ku ivi! Aveeye muhooma kandi aniini ku isukiri, kemoli chibunda.”

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Luka 2:11

Ku lidiku liene yili mu lidaala lia Daudi, Muhonyi winyu wivuliiywi naye ni Kristo Mwami.

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

Kwidzulitsa 33:2

Yavoola: “Yahova yaza kutura mu kiguru cha Sinai; yatonga kuli liuva kutura Edomu, kandi yang'ereng'ana ku avandu veve kutura ku kiguru cha Parani. Zingelosi zielefu kumi ziali harara naye, na umuliru gwaadukaa gwaali ha mukono gwigwe mulungi.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

Yakobo 4:12

Nyasaye yenyine niyie oveeye umuhaani wamalago kandi umukalagi, oyo yenyine niyie unyala kohonyia kandi kudiviza. Ivi uganaganaa oveeye vwaha kukalagira uwacho woovo?

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

1 Samweli 12:12

Navuzwa lwa mwalora ndi mwami Nahashi wa Amoni aveeye ahimbi kumwingilira, mwambakana Yahova kuli mwami winyu kandi muvooleraa Inzi, ‘Kweenyaa mwami akwamihi.’