Isaya 33:19 - KITABU KITAKATIFU

¹⁹ Simulalola avageni vikirage, avamolomaa lulimi lwa mutanyala kumanya mba.

Isaya 33:19 ပူးပေါင်းရင်းမြစ်များ

Litanga 11:7

Gendi kuzie kogoyanyia lulimi lwavo kunangwa vavuli kuhulirizana aveene na vene.”

2 Avami 19:32

“Kunangwa yaga nigo ga Yahova amali kovora ku mwami wa Asiria: ‘Si ulingira mu lidaala linene yili, kinga kulasa mbano gwu vuta kali mulala kulio. Avasikari vaveeye ni zinguva si valisunda ahimbi ni lidaala linene, kandi sivalakumbiriza nu kwumbaka vitumi via malova na magina mu zimbega zie lidaala linene yili.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Isaya 28:11

Niiva simulambuliriza, hene yaho Nyasaye alatumikira avandu vageni avamoloma zinimi zihulilikaa kuli zing'eni kumwigiza agamuduukira kumanya.

Isaya 37:34

Aliranira kunzira ya yaazira ku, vugira kwingira mu lidaala yili. Inzi Yahova mali kovora.

Isaya 37:37

Maku Senakeribu mwami yirana namenya mu lidaala linene lia Nineve.

Jeremia 5:15

Avandu va Isiraeli, Yahova aletaa ihiiri kutura ihale kumwingilira. Eveeye ihiiri yizingulu kandi iyakale ligali, lulimi lwavo simulumanyi mba:

1 Vakorintho 14:21

Gang'odwa mu Mang'oda Matakatifu, “Kuvitira ku vandu vamoloma mu zinimi zing'eni, ndakamolome ku vandu Umwami avoora. Inzi ndakamolome kuvitira ku minwa ja vageni, kali ndio vandu vange sivalakambuliri mba.”