Isaya 33:18 - KITABU KITAKATIFU

¹⁸ Uvuti vuvwo vwakale vwa vasololi vuvusuuru kandi vwa avatunyirizi vulava chukwizuliza mu zing'anagani.

Isaya 33:18 ပူးပေါင်းရင်းမြစ်များ

Litanga 23:16

Aburahamu yaavugirizana na Efuroni, ma nagera vidonye vie ifeza 400 imbiri wa vandu va Hiti kolondekana ni ligera lia vakiranyi ma nahaana ku Efuroni.

2 Avami 15:19

Tigilazi Pileseri, mwami wa Asiria yazia kulwana kivala cha Isiraeli, na Menahemu yamuha zikilo 34,000 zie ifeza konyoora ovokonyi mu lidinyiriza zinguru zia Menahemu ukwamiiha kivala cha Isiraeli.

2 Avami 18:14

Hezekia yatuma amakuva ku Senakeribu, uwaali naveeye mu lidaala linene lia Lakishi, “Mali kogosa, yaanza lekera lingilira litulira liilio, na inzi ndatunga choosi cha wenya kuzingulu.” Litivuli liu mwami Senakeribu liali ndi kuduuka Hezekia amutumili zikilo zielefu likomi zie ifeza kandi zikilo elefu ndala zie zahabu.

2 Avami 18:31

Mutahulirizi ku Hezekia mba. Mwami wa Asiria amulanga muturi mu lidaala linene lienyu na mwihaane kuye aveene. Mwosi mulavugilirwa ukulia makuyu kutura ku mizabibu jenyu aveene, kandi makuyu kutura ku misaala jenyu aveene, nu kunwa amazi kutura mu vidaho vienyu aveene,

Zaburi 31:22

Ndaatia ligali kandi niing'anaganyia ndi amali kungunga nduli imbiri weve. Navuzwa Yahova yahulira lilira liange, lwa ndanira kuye aduuki kongonya.

Zaburi 71:20

Ivi umali kumbika mu vudinyu vululu ligali kandi nuvusaliri vunyingi. Navuzwa ulanziranyira zinguru; ulambonyia kutura mu likuza.

Isaya 17:14

Valeta vutihizi vonene hamugorova, navuzwa vaatura ho mugambazuri. Yiki nicho keheri cha yavo avalanyaa miandu jietu; kandi kidieli cha yavo avakunuulaa kivala chietu.

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

1 Vakorintho 1:20

Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.