Isaya 33:15 - KITABU KITAKATIFU

¹⁵ Unyala kohononoka niiva ulakola agaveeye amalungi. Utatumikira zinguru zizio kugaada avadaka mba, kandi utavugilira viambeti mba. Utahambana nayavo avalohizaa kwiita anoho kokora uvudamanu vundi vwosi mba.

Isaya 33:15 ပူးပေါင်းရင်းမြစ်များ

Ayubu 31:7

Niiva ndagirung'ana kutura kunzira inungi, na umwoyo gwange niguva nigolonda liegomba lie zimoni ziange, kandi niiva ngoleywi mumwamu ku likora uvwoni,

Zaburi 106:3

Vaveeye nuvugasu avahulira amalago geege; kandi avakolaa agaveeye malungi kazozo.

Zaburi 119:37

Undulizi kutura ku lihuliriza makuva ga vuzwa. Linda limenya liange, kuli umali kusuuviriza.

Zaburi 15:5

Mundu uyu si avuguraa viambeti ku mabesa geege mba, kandi siavugula ivikukula akole uvudamanu ku avataveeye nimbala mba. Mundu woosi okola yaga sialadengeyizwa mihiga ni mihiga mba.

Tsing'ano 1:10

Mwana wange, lwa voni vakogeriza utavugilira mba.

Tsing'ano 1:15

Mwana wange, utahambana na vandu kuli yava mba. Welehe kuvo.

Tsing'ano 10:9

Avandu vaveeye avasuuvirifu vaveeye mu mirembe kandi mu likingwa, navuzwa vandu vataveeye avasuuvirifu valanyooleka.

Tsing'ano 15:27

Niiva ogeliza kolomba vukala vwuvugadi, ulavika vandu vinyumba yooyo mu vudinyu. Utavugula viambeti mba, na ulamenya mihiga minyingi.

Isaya 58:6

“Liiva lie lihonga lilia lia nyenya ni yili: Mutulizi ho minyororo ji lidambiza kandi iniira yi likalaga litali lirungi, na muleke avadambizwa navatugwa vave vavoholole.

Isaya 58:8

“Nimukora ndio hene yaho uvugasu vwange vulaaka ku munyi kuli liuva liu mugamba kandi zimbala zienyu zilahona vwangu. Vikolwa vienyu vilungi vilamwimilira; na inzi ndamulinda ku zimbega ziosi kigira uvukumi vwange.

Ezekieli 22:13

“Ndadiviza avandu vamali kwenyolera viambeti kandi avandu vamali kwita avaveeye mu munyi.

Malaki 2:6

Vigiza gaali amalungi, na vuzwa si vigiza gaali madamanu mba. Vamenya mu lihulirizana kandi mu mirembe na inzi. Si vaakora vuzwa gaali malungi kuvo vene mba, navuzwa vakonya kandi vandu vandi avanyingi vavuli kokora vudamanu.

Livalidza 16:15

Musa yaali nu vutima na yavolera Yahova, “Utavugilira vihaanwa via vandu yava valeta mba. Inzi ngikiri kwonelaku mundu woosi kuvo mba; kali ngikiri kuvugura ku kali ndala ku zibunda ziavo mba.”

Matayo 26:15

navateeva, “Mulaamba ki ninzaama Yeso ku munyi?” Vaamuvalizira ividonye salasini viefeza ni vamuha.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Luka 19:8

Navuzwa Zakayo yasingira navolera Mwami, “Hulira, Mwami! Ndahaana inusu yi vindu viange ku avadaka, kandi niiva ndaavugura kindu choosi chu mundu kali mulala nuvugadi, ndamwiranyira haali kane.”

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

1 Yohana 3:7

Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali.

1 Samweli 12:3

Mbeeye hano. Niiva ndamala kokora kindu kidamanu choosi, munzaale kalunu imbiri wa Yahova kandi imbiri wu mwami wamali kotovola. Ni eng'ombe ya vwaha kinga ni ibunda ya vwaha ya ndavugura kuzinguru? Nivwaha wa ndaga vindu vivie, anoho wa ndadambiza? Nivwaha wa ndavugura ku viambeti nduuki kuhaana likalaga litali lirungi? Niiva ndaakola kilala ku vindu yivi, ndirana kutunga cha ndaavugura.”