Isaya 33:10 - KITABU KITAKATIFU

¹⁰ Yahova avoora ku zihiiri; “Kalunu ndasingira! Kalunu ndiiginga igulu inzi mwene! Kalunu ndakuminywa.

Isaya 33:10 ပူးပေါင်းရင်းမြစ်များ

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 12:6

Makuva ga Yahova gaveeye giligali kandi gukusuuvirwa, gaveeye agiligali kuli izahabu isiyirwa mu kisambiru haali saba.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 7:6

O, Yahova, vuka mu vutima vuvwo! Singira uhing'ane nu vutima vonene vwa vasigu vange; vuka ivi O, Nyasaye wange na ongonye! Ivi wenya vulungi vwekoleke.

Zaburi 78:65

Mu limalirika Yahova yavuka kuli utulaa mu zindoolo. Yaali kuli mundu wizingulu uhanzuka kigira iwaini ya yaali nanweye.

Zaburi 94:16

Nivwaha wasingira mu vogono vwange ukuhingira avachamu? Nivwaha wangonya kuhingira avakoli vuvudamanu?

Kutwula 14:18

Lwambaguuta, avandu va Egebeti valamanya ndi Inzi mbeeye Yahova.”

Isaya 10:16

Kigira yaga, Yahova Wuvunyali alatuma lukuzu kuhaana amageri ku yavo avaveeye avatugi kandi avalizaa vulahi. Miviri jaavo jilasaambwa nu muliru gwolomemo.

Isaya 10:33

Yahova Wuvunyali alavagwihiza nu kuvasionoranyira hasi kuli zisia ziu musaala. Avigingiri ligali kandi avataambi ligali ku vosi valikizwa hasi.

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Isaya 2:21

Lwa Yahova yaazaa kodegeriza lirova, avandu valakivisi mu zimbangaywa zia magina gi vigulu kandi mu malina, nokogeliza kwiruka kutura ku vutima vwivwe, kandi kwivisa kutura kuzinguru zizie kandi ku vukumi vwivwe.

Isaya 5:16

Navuzwa Yahova Wuvunyali amanyia ovonene vwivwe mu likora lilie lirungi, kandi avuulaa uvutakatifu vwivwe mu likalagira avandu veve.

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.