Isaya 31:4 - KITABU KITAKATIFU

⁴ Yahova yambolera, “Kali avayi ni vahanzuka ni vakuba liyoga, sivanyala kutihiza anoho kukunga isimba kutura ku inyama ya imali kwita mba: Kunangwa, siaveeye ho nu mundu unyala kungaya inzi Yahova Wuvunyali kukinga kiguru cha Ziyoni mba.

Isaya 31:4 ပူးပေါင်းရင်းမြစ်များ

2 Kyetsinyinga 20:15

Jahazieli yavolera mwami Jehoshafati na vandu vosi avamenya mu Jerusalemi ni Ivuyuda, “Muhuliri! Yaga nigo ga Yahova avoora, ‘Mutatia, kandi mutakuza mioyo jinyu mba; kinga mutatia liihi linene yili, kigira uvulwani sivoveeye vwinyu, navuzwa vwa Yahova Nyasaye!

Kutwula 14:14

Yahova alamulwaanira, na icha mukora vuzwa nu kuchiring'ana.”

Kutwula 14:25

Yakola magurudumu gamagaare gaavo nigahanda, kunangwa gagendaa nuvudinyu. Avandu va Egebeti vavoola, “Yahova alwaaniraa vandu va Isiraeli! Gendi kwiluki kutuli hano imbiri wa vandu va Isiraeli.”

Isaya 10:16

Kigira yaga, Yahova Wuvunyali alatuma lukuzu kuhaana amageri ku yavo avaveeye avatugi kandi avalizaa vulahi. Miviri jaavo jilasaambwa nu muliru gwolomemo.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 30:32

Lwa Yahova ahaanaa amageri ku vandu va Asiria vuli ing'inga, avandu veve valimba zinyimbu nu kukuba zindumba nu vukana. Nyasaye mwene alwaana avandu va Asiria.

Isaya 42:13

Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Jeremia 50:44

“Kuli isimba itulaa mu mulitu munene ahimbi nu mugera Jorodani nukuzia mukivala chuvwayiru vuvisi, Inzi, Yahova ndaaza kandi ndakora avandu va Babiloni nonoho kunyagula nu kuzia ihale kutura mu lidaala liavo. Maku mwimiliri wa Inzi nandovole alakamiihi ihiiri. Nivwaha unyala kufwananywa ninzi? Nivwaha wakaagelani ninzi? Mwami ki wakahing'ani ninzi?

Hosea 11:10

“Inzi Yahova, ndahuuma kuli isimba ku avasigu vaavo, kandi avana vange valirana nivadegera kutura Imadioli.

Amosi 3:8

Lwi Isimba ihuuma, nivwaha unyala kuvula kutia? Lwa Yahova Nyasaye amali kovora, nivwaha unyala kuvula kuporofeta makuva geege?

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Zekaria 14:3

Maku Yahova alakatuli nu kulwaana zihiiri yizio kuli yakola maziambiri.

Zekaria 2:5

Yahova umali kulaga ndi mwene alava lidigi liu muliru kulikumbiriza kandi kulikinga. Alamenya mu lidaala yili nu vukumi vwivwe vwosi.”

Zekaria 9:15

Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.

Zekaria 9:8

Ndakalindi kivala change nu kwigalira mahi galavuli kuvitira mu. Sindakaleke avandu vadamanu vadambizi avandu vange kandi mba. Mali kolola kuli avandu vange vasaalira.”

Likunula 10:3

Yahanzuka nu mwoyo munene kuli gwi isimba ifuumaa. Lwa yaali ni yakahanzuka, zinguba saba ziamoloma nu mufuumu.

Likunula 5:5

Maku mulala ku vakulundu yavo yambolera, “Utalira mba! Henza! Isimba mu ihiiri ya Yuda, chisukululwi cha Daudi, uguuti uvulwani, naveeye nu uvunyali kovoholora imihuri jacho saba nu kukikunula.”