Isaya 3:26 - KITABU KITAKATIFU

²⁶ Avalindi vu mu virivwa viavo valakaliri nu kusioma. Lidaala linene lia Jerusalemi lilatigala liere, kuli mukali walekwa yikaye hasi naveeye chahonyo.

Isaya 3:26 ပူးပေါင်းရင်းမြစ်များ

Ayubu 2:13

Hene yaho, viikara hasi harara na Ayubu ku madiku saba, umbasu nu vudiku, na sihali ho na mulala wavoola likuva kali lilala, kigira valora vusaliri vwivwe vwali vwokoveleriza ligali.

Ayubu 2:8

Ayubu yazia niyikara mu ligoke, navugura kijonjo natanga kwiyagira.

Isaya 14:31

O, munyi avandu vi lidaala linene lia Filisitia, mulire kandi mwanire ovokonyi! Uluguchi luzaa kutura Ivaale, oveeye iliihi litaveeye mu na vandu vataveeye nu vuti.

Isaya 29:2

maku kandi Nyasaye alaleeta ikivi ku lidaala linene lilangwa “Uvwali vwa Nyasaye.” Halakave ho ni lilira kandi nilisioma, na lidaala linene liosi lilakave kuli uvwali vukunikiywi na masahi.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 33:9

Kivala keveeye king'anye kandi icheele. Militu ja Lebanoni jiniaye, Livona ligunamu lia Sharoni ligwi kuli ichangalangwe, kandi amatu gahalulukaa kutura ku misaala mu kivala cha Bashani kandi ku kiguru cha Karimeli.

Isaya 47:1

Yahova avoora, munyi avandu vi lidaala linene lia Babiloni, “Mwiki hasi kutura kondeve yinyu yu vwami, mwikale hasi mu luguchi. Mwaali kuli mukaana mugima, wi lidaala lia Kalidei, navuzwa kalunu simulava avimioyo mike anoho avadedekere mba. Kalunu muveeye kuli avatugwa!

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Jeremia 14:2

“Avandu vi Ivuyuda vasioma; avandu va madaala manene gi Ivuyuda vakuza, avandu va madaala yaga vaagoni hasi ku marova mu vovereri; kandi avandu va Jerusalemi vanira ovokonyi!

Jeremia 15:8

Vaveeye ho avakunzakali avanyingi mukivala chienyu kali kuvita zinzaro ziu muyeke mu inyanza. Ndiita avasoleri vinyu mu vosooleri vwavo; kandi ningora avamama vaavo nivasalirizwa ligali Nonoho ndaavakuya vululu ligali kandi nindeeta litihiza kuvo.

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Lisyoma lya Jeremia 1:4

Kalunu si haveeyeho nu mundu uzizaa mu Litembeli ku lidiku litakatifu ku sigamira Nyasaye mba. Avakaana viimba zinyimbu vaveeye mu vudinyu, kandi avasaalisi vaveeye vuzwa mulikenya vilivwa via Ziyoni viveeye iviere, kandi avandu va Ziyoni vaveeye mu vusaliri vululu.

Lisyoma lya Jeremia 2:10

Avakulundu va Ziyoni viikara hasi ni vachiring'ani machiriri, niviiyuhiyi uluguchi ku mitwi jaavo kandi viviki zinguvu zia magunia. Avakaana va Jerusalemi vinaminyi mitwi jaavo hasi.

Lisyoma lya Jeremia 2:8

Yahova amali kusaavira kusambula madigi gi lidaala lia Ziyoni. Yavika kimanyiru kolola ndi amadigi goosi gadiviziywi. Minaara harara na madigi, kalunu vitigaye mang'anye.

Ezekieli 12:20

Amadara manene agaveeye kalunu na vandu vanyingi nangadivizwi, kandi kivala nakigwi mwigendanyama. Maku navamanyirizi ndi, inzi mbeeye Yahova.”

Ezekieli 26:16

Maku avanene vosi avamenyi ahimbi ninyanza navaturi ku zindeve ziavo ziu vwami, navatulizi zinguvu ziavo ziamangilinya kandi navatulizi zigaanza ziavo. Navave mulitiihizwa linene ligali kigira vuduamanu vwinyu, kali sinavalekele kodegera mba.

Mika 1:9

Zingwago zia vandu vi lidaala linene lia Samaria sizilahona mba, kandi kivala cha vandu vi Ivuyuda keveeye ahimbi konyoora maduywa kuli ge lidaala linene lia Samaria; lidivizwa liduuki ku virivwa vie lidaala linene lia Jerusalemi liene, wa vandu vange vamenyi.”

Matayo 11:17

‘Kwamukubira lilere mu kelero, navuzwa munyi simwavina mba. Kwamwimbira zinyimbu zie lekura, navuzwa munyi simwalira mba.’

Luka 19:44

Valamudiviza ligali harara na vana vinyu avaveeye mu madigi ginyu. Sivalileka ligina kali lilala ku lindi mba kigira simwamanyiriza ing'inga yiliiza lia Nyasaye ku munyi mba!”