Isaya 29:5 - KITABU KITAKATIFU

⁵ Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 29:5 ပူးပေါင်းရင်းမြစ်များ

Ayubu 21:18

Navahuuza kuli mavululi gahuzwa ni imbuza mba, noho luguchi luhuuzwaa ni kihuzuzi?

Zaburi 1:4

Navuzwa avadamanu sivaveeye ndio mba. Vaveeye kuli mukuuzi gwi imbuza ihilaa.

Zaburi 35:5

O, Yahova, leka vave kuli mukuuzi guhuuzwa ni imbuza, nivakungwa ne engelosi!

Isaya 13:11

Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 25:3

Avandu vi zihiiri zie zinguru valakakwizominyi. Madaala manene gi zihiiri zinduru galakakutie.

Isaya 25:4

Avadaka navatiinyalizaa virukiyi ku ivi na vahoni mu zing'inga ziuvudinyu. Uvahezaa likingwa kutura kumbula yi imbuza enene kandi ichiriri kutura ku vuhiu vwi liuva. Avandu valulu vatulira kuli imbuza enene yu vukindu,

Isaya 25:5

kuli kemeyu mu kivala chumu. Navuzwa ivi Yahova, umali kukiring'anyia vasigu viitu; ukiring'anyia lihanzuka lia vandu valulu kuli lilesi likindizaa lidiku liu mbasu mululu.

Isaya 29:20

Kilava keheri cha yavo avadambizaa avandu vandi kandi vachaya Nyasaye. Vosi avakolaa uvwoni valakadivizwi.

Isaya 30:13

Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Isaya 31:8

Avandu va Asiria si valitwa ni kivavi chu mundu mba, navuzwa valitirwa mu vulwani. Avandu va Asiria valiruka kutura mu vulwani, na avasoleri vaavo valagumirwa nokokorwa vatugwa.

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Isaya 40:15

Zihiiri ziosi ziveeye ku Yahova kuli ingelageliza ya mazi mu isiongo, kandi zivalizwa kuva kuli luguchi ku zigero. Ivisulu viosi vie inyanza viveeye kuye kuli muyeke.

Isaya 41:11

“Yavo avamudunyira, valaduuka mu zisoni ziukuguutwa; yavo avahing'anaa nimunyi valava kindu vuzwa kandi valadiva.

Isaya 41:15

Ndamukora muve kuli kiju chu kuhuuliraku uvuswage, ekeveeye na miinu mahia kandi amuugi. Mulahuura vigulu nukuvidiviza, kandi muladuvuranyia tugulu kugwa kuli mukuzi.

Isaya 41:16

Mulavwilura nimbuuza ilatulizamu mukuzi, kandi ilasalanyia mukuzi zana yigwo. Maku mulasangala kigira mulizominya inzi Yahova winyu, inzi Nyasaye Mutakatifu wa avandu va Isiraeli.

Isaya 47:11

Kigira yaga, kivi kiladuuka ku munyi, navuzwa uvukumu vwinyu sivulamuhonyia mba. Nonoho lidiviza liladuuka kumunyi lia mutamanya mba.

Isaya 48:3

Yahova avooreraa avandu va Isiraeli ndi, “Mu madiku gakale, ndaamuvuulira agaali nigazizaa kwekoleka, maku, nonoho ndagalomba gekoleke.

Amosi 5:9

Aleetaa lidiviza ku avizingulu kandi ku zimbinga ziavo.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.