Isaya 29:18 - KITABU KITAKATIFU

¹⁸ Lwalidiku yilio liduka, avahana matu valahulira kitabu nigisomwaa, na avavoku avaamenyaa mu kisundi, valigulika zimoni nokolola.

Isaya 29:18 ပူးပေါင်းရင်းမြစ်များ

Zaburi 119:18

Ukunuli zimoni ziange, kunangwa nduuki kolola agiligali gokogenyia mu lilaga liilio.

Tsing'ano 20:12

Yahova yakuha zimoni kolola kandi amatu kuhulira.

Isaya 29:24

Avandu vasiru valiiga kumanyiriza, kandi yavo avililiraa kazozo valayaanza ukwigizwa.”

Isaya 32:3

Zimoni ziavo zilarora, kandi amatu gaavo galahulira yava avaveeye nu vudinyu.

Isaya 35:5

Avavoku valalola, kandi wahana matu alahulira.

Isaya 42:19

Aveeye ho mundu oveeye muvoku kuvita mutumikiri wange? Anoho aveeye ho mundu uvula kuhulira kuli mutumwa wange?

Isaya 42:7

Ulahonyia yavo avaveeye avavoku, kandi ndatuliza muvuhambe mu vogo kandi ndatuliza mujera yavo aviikalaa mu kisundi.

Isaya 43:8

Nyasaye avoora, Leeti avandu vange vaze mu kiyaalo. Vaveeye nizimoni, navuzwa sivalola mba. Vaveeye namatu, navuzwa sivahulira mba!

Danyeli 12:4

Yamuvolera, “Danieli kunika kitabu, kandi ukevohe vudinyu ligali kandi uviiki ku muhuri, kuduuka ing'inga yi keheri chi lirova. Avandu vanyingi valakanyaguli yiyi ni yiyi kandi limanya lilakameedeke.”

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Marko 7:37

Avandu vagenya ligali kuvita, ni vavoola, “Akolaa ivindu viosi vulahi akolaa kali avahana amatu vahuliri, ni zidimbidi vamolome!”

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Luka 7:22

Maku yativura navolera avatumwa yavo, “Muzie kovoolera Yohana aga mumali kolola kandi aga mumali kuhulira: avavoku valora, avalema vagenda, avaveeye no vogere vatakasangwa, avahana amatu vahulira, avakuzu vasimugukizwa, na Makuva Malahi ga Nyasaye gilwazwa ku avadaka.

Yohana 6:45

Gang'odwa mu vitabu via avaporofeti, ‘Nyasaye aligiza avandu vosi.’ Vuli mundu uhulira Baba na ukwiga kutura kuye, yaazaa ku inzi.

Yohana 9:7

na muvooleraa, “Zia wisaave mu lidavalia lia Siloamu.” Kivuni chi lieta yili keveeye “Kutuma.” Kunangwa, mboku oyo yazia niyisaava, ma niyirana nalora.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

Kwidzulitsa 29:4

Navuzwa kuduuka lidiku liene yili, Yahova akikiri kumuha zing'anagani ziukumanyiriza anoho zimoni ziokolola anaho amatu gukuhulira vindu viekoleka.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.