Isaya 28:21 - KITABU KITAKATIFU

²¹ Yahova alakalwaane kuli yakola ha kiguru cha Perazimu kandi mu livona lia Gibeoni, kunangwa aduuki kokora icha yenya kokora - kali vikolwa vivie niviveeye viokogenyia. Alatwekiza miyinzi jijie jokogenyia.

Isaya 28:21 ပူးပေါင်းရင်းမြစ်များ

2 Samweli 5:20

Kunangwa Daudi yazia kuduuka ha Baaliperazimu, kandi uwene yeyo, yaguuta vandu va Filisitia. Yavoola, “Yahova umali kuvunaga avasigu vange kuli livunaga lia amazi gizuyi.” Nandio havundu yaho halangangwa Baaliperazimu.

2 Samweli 5:25

Daudi yakola icha Yahova yaali nalagi, kandi yaanyaliza kukunga Avafilisitia kutura Geba kuduuka Gezeri.

1 Kyetsinyinga 14:11

Kunangwa Daudi harara na vasaza vi liihe veve vazia kuduuka Baali Perazimu, na uwene yeyo, yaguuta Vafilisitia. Yavoola, “Nguuti avasigu vange kigira Nyasaye yangoonya kumala liihi liavo kuli mugera munene gwizuuyi gumali kutiguka.” Kunangwa havundu yaho hagulikwa Baali Perazimu.

1 Kyetsinyinga 14:16

Kunangwa Daudi yakola kuli Nyasaye yamulaga. Yakunga nu kwiita liihe lia Vafilisitia, nivavalondelera kutura Gibeoni kuduuka Gezeri.

Zaburi 94:16

Nivwaha wasingira mu vogono vwange ukuhingira avachamu? Nivwaha wangonya kuhingira avakoli vuvudamanu?

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 28:19

Kilamuduya vuli ing'inga, vuli mugamba. Kuduuka mwikuziri kucho mbasu nuvudiku. Vuli likuva lihia kutura ku Nyasaye lilakaleete uvutihizi vonene!

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 29:23

Lwa muloraa avana va ndimuha, hene yaho mulamanya ndi, Inzi mbeeye Nyasaye, Mutakatifu wa Isiraeli. Mulaamba luyali nukutia inzi ligali,

Isaya 64:2

Vigulu viladegela kuli amazi gatavagira ku muliru gudidimaa. Hamba uvuli zinguru zizio zinene ku vasigu vovo, kandi okole zihiiri zidegere imbiri woovo!

Isaya 65:7

Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Lisyoma lya Jeremia 2:15

Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Lisyoma lya Jeremia 3:33

Siasangaliraa mulikokola kove nilisalirizwa anoho uvuzunu mba.

Ezekieli 33:21

Ku lidiku lia katano liu mweli gwi 10 gwu muhiga gwi 12 gwi lihaminywa lietu, umundu waali niyiruki kutura Jerusalemi yaza kandi nambolera ndi, lidaala linene limali kugwa.

Habakuk 1:5

Maku Yahova yavolera vandu veve, “Muzizagiliri kohenza zihiiri ziveeye ahimbi na munyi, na mulagenya ku gamulolaa. Nziza kokora kindu cha mulivula kusuuvira lwamulikihulira.

Joshua 10:10

Yahova yakola vandu va Amori kuva nuvuti vonene ligali lwavaalola iliihi lia Isiraeli. Avandu va Isiraeli vavitira ha Gibeoni kandi nivavalondelera kuduuka kunzira isulungutaa kuvitira ku kiguru ha Bezi-horoni, nivazizagilira kuvingilira kuduuka Azeka na Makeda.

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Joshua 10:12

Ku lidiku lia Yahova yaaha avasaza va Isiraeli iliguuta ku vandu va Amori, Joshua yamoloma ku Yahova. Imbiri wa vandu va Isiraeli, navoora, “Ivi, liuva, singira igulu wa Gibeoni; Ivi mweli, singira igulu wi livona lia Aijaloni.”