Isaya 28:19 - KITABU KITAKATIFU

¹⁹ Kilamuduya vuli ing'inga, vuli mugamba. Kuduuka mwikuziri kucho mbasu nuvudiku. Vuli likuva lihia kutura ku Nyasaye lilakaleete uvutihizi vonene!

Isaya 28:19 ပူးပေါင်းရင်းမြစ်များ

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

2 Avami 18:13

Mu muhiga gwa komi na ine gwi liamiiha liu mwami Hezekia, Senakeribu, mwami wa Asiria yingilira madaala manene gi Ivuyuda gi zimbinga kandi nagaguuta.

2 Avami 21:12

Na kigira yaga, Inzi, Yahova Nyasaye wa Isiraeli, ndaleta ikivi ku Jerusalemi kandi Ivuyuda, na mundu woosi uhulira amakuva gi kivi yiki alahuga.

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

Ayubu 18:11

Vindu viu kutihiza vimukumbirizi na vimulondeleraa zimbiru ahimbi nahimbi ku machi geege.

Ayubu 24:17

Kigira kisundi kenene ligali keveeye kuli uvulavu vwumugamba kuvo vosi, vaveeye avalina na vandu vatihiza mu kisundi kenene.

Ayubu 41:9

“Mundu woosi olola Leviazani, akuzaa mwoyo maagwa hasi.

Ayubu 6:4

Nyasaye Wuvunyali umali kundumita ni mivano juvuta; kandi vuziva vwi mivano yijo vumali kusalana mu muviri gwange. Nyasaye umali kutihiza inzi.

Zaburi 55:4

Mbeeye mu vovereri vonene, kandi mbeeye hagati hi litihiza lie likuza.

Zaburi 88:15

Inzi ndaakubizwa kivi kutura vwana vwange kali nimba ahimbi kukuza. Nduhi ligali kuturana nuvuliduhu vwa mageri googo.

Isaya 33:7

Valuviliri vanira ovokonyi. Avatumwa avagerizaa koleta mirembe valilaa nu vuzunu ligali.

Isaya 36:22

Maku Eliakimu, Shebina, na Joya vatandula zinguvu ziavo mu vovereri vonene kandi ni vazia kovoolera Hezekia icha Rabishake mutumikiri wu mwami wa Asiria yaali navooye.

Isaya 37:3

Navo vaavoolera Isaya, Mwami Hezekia avoora ndi, “Lero ni lidiku lie kivi, lidiku liokogondokerwa kandi lie zisoni. Kunyi koveeye kuli mukali wing'inga yeye eveeye ahimbi yu kwivura umwana, navuzwa siaveeye ni zinguru ziukwivula mba.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Jeremia 19:3

Yahova yandaga mbore, “Munyi Avami vi Ivuyuda na avandu va Jerusalemi, muhuliri aga inze Yahova Wuvunyali Nyasaye wa avandu va Isiraeli mboraa. Nziza koleta kivi kenene havundu yaaha kunangwa vuli mundu ulikihulira alakagenye.

Jeremia 4:5

Mukubi kisiriva mukivala choosi chi Ivuyuda! Muhanzuki vudinyu kandi vulahi! Muvoolere avandu vi Ivuyuda na Jerusalemi vanyaguri kuduuka mu madaala gizimbinga.

Jeremia 4:9

Yahova yavoola, “Kulidiku yilio avami kandi avanene sivalava nuvuluviliri mba; avasaalisi valegosa navaporofeti valagenya.”

Jeremia 6:24

“Kumali kuhulira amakuva amageni,” avandu va Jerusalemi vavoola, “Kandi amakono giitu gavula zinguru; koveeye nuvuzunu vululu kuli mukali oveeye mulilumwa liu mwana.

Lisyoma lya Jeremia 2:22

Kuli ulaga ku lidiku lie lisavo, nindio umali kulagila kunyi avasigu ku zimbega ziosi. Si yaliho nu mundu kali mulala uwahononoka anoho uwahona mulidiku liilio liu vutima mba. Avasigu viitu vaadiviza avana va kwayaanza kandi ni kuvirukiza.

Danyeli 7:28

Yiki nicho keheri cha makuva ga ndang'oda. Ndaali nu vuti vonene, kali ligondo liange liagirung'ana, kandi ndaviika makuva yaga mu mwoyo gwange.

Danyeli 8:27

Ndaaluha ligali kandi nindwala ku madiku manyingi. Maku ndasingira ninzirana ku miyinzi ju mwami, navuzwa ndagenya kigira malola yaga; kandi si ndagamanya mba.

Habakuk 3:16

Lwa mbulira yaga goosi, ndegeraa ligali, minwa jange jidegeraa nu vuti. Muviri gwange gwatanga kuguunda kandi ndikigitara vilenge viange. Ndaalindilira galaha ku ing'inga iduuki, lwa Nyasaye ahaanaa mageri ku vandu vakwingilira.

1 Samweli 3:11

Yahova yamuvolera, “Lidiku lilala nziza kokora kindu ku vandu va Isiraeli keveeye chukutiihiza ligali, nu mundu woosi uhulira inguuva yeyo alegosa nokogenya ligali.