Isaya 28:17 - KITABU KITAKATIFU

¹⁷ Likalaga lirungi lilava mugoye gwi kibimu chu musingi na uvusuuvirifu vulava kibimu chi kabiro yagwo.” Imbura yamagina ileeya ovovehi vwosi vwa musuuviraa mu na migelera gilononyia liekinga lienyu liosi.

Isaya 28:17 ပူးပေါင်းရင်းမြစ်များ

2 Avami 21:13

Ndahaana amageri ku Jerusalemi kuli ndakora ku Samaria, kandi ku mwami Ahabu wa Isiraeli na visukululwi vivie. Ndatuliza vandu vosi mu Jerusalemi kuli mulala yogizaa isahani kandi kuyo amazi kandi agikunaminya.

Ayubu 22:16

Kali ing'inga yaavo nikikiri kuduuka, vahirwa ni migelera ja mazi.

Zaburi 94:15

Likalaga lirungi lilanyooleka mu zikooti, na avandu vosi valungi valavolonda nukuliunga mukono.

Isaya 10:22

Kali niiva kalunu avandu va Isiraeli vaveeye vanyingi kuli umuyeke gu munyanza, vakekeeke vuzwa kuvo valirana. Lidiviza liveeye ho ku vandu, kandi lidukanaa ligali.

Isaya 25:4

Avadaka navatiinyalizaa virukiyi ku ivi na vahoni mu zing'inga ziuvudinyu. Uvahezaa likingwa kutura kumbula yi imbuza enene kandi ichiriri kutura ku vuhiu vwi liuva. Avandu valulu vatulira kuli imbuza enene yu vukindu,

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 28:2

Yahova aveeye nu mundu mulala Wuvunyali kandi wizingulu wetegeki kuvingilira uyu uliizaa kuli imbura ya magina, kuli imbura yologelera, kuli kiihi cha mazi manene ganyagulaa vwangu vwangu, na alavazooma hasi nukuvaguuta.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 30:28

Atumaa imbuza imbiri weve, kuli mugera gwa amazi ugumali kwizura guhilana vuli kindu keveeye imbiri wagwo! Alahaana amageri ku zihiiri nu kuzidiviza ligali kandi aheliza liloohiza liavo lidamanu.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 5:16

Navuzwa Yahova Wuvunyali amanyia ovonene vwivwe mu likora lilie lirungi, kandi avuulaa uvutakatifu vwivwe mu likalagira avandu veve.

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Jeremia 23:19

Vutima vwivwe voveeye kuli kihuzuzi kenene, kiihi kenene ichaaza kivitiri kumitwi ja vandu vachamu,

Jeremia 7:14

Kunangwa agandakola ku Shilo, ndakora ku Litembeli liange yili, iliamwali ni mwasuuvira mulio. Havundu yaaha ahandahaana ku avaguuga vinyu kandi ni munyi, ndakora kindu kilala chere cha ndaakola ku Shilo.

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Ezekieli 38:22

Nambane kuye mageri gu vulwaye ni likuza. Imbura yi migelera kandi ya magina harara nu muliru gwi kibiriti nikubi kuye harara ni liihi lilie kandi zihiiri zinyingi iziveeye kolovega lwilwe.

Danyeli 11:22

Amahi galakadivizwi no kwononywa imbiri weve, kandi vasaalisi va malago valakatulizwi ho.

Nahum 1:8

Adivizaa vasigu veve ligali kuli adivizaa migera ja mazi manyingi. Adukizaa vasigu veve ku keheri; kandi alavalondelera kuduuka mu kisundi.

Matayo 7:27

Imbura yakuba, imigera nijizura imbuza enene nihuza, kandi nihuza ni zinguru ku inyumba yeyo, nayo yagwa, kandi liigwa liayo liali nu mufuumu munene ligali!”

Varumi 2:2

Kunyi kumanyi ndi Nyasaye aveeye vulahi kukalagira vandu vandi vosi vakora vindu kuli yivi.

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Varumi 9:28

Mwami alanguhiza likalaga lilie liu kumaliriza ku vandu vosi vu mu lirova.”

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 16:21

Imbura ya amagina enene yakuba; vuli ligina liali nu uvulitu vwi zikilo 50 gagwira vandu kutura mwigulu, vaanyega Nyasaye, kigira amaduywa gi imbura ya amagina yeyo liduywa lie imbura ya amagina yilio liali lidamanu ni liu kutihiza ligali.

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

Likunula 8:7

Engelosi yukutanga yakuba kisiriva chiche. Imbura ya amagina nu muliru vizuganyiywi mu na amasahi, viasunduka ku lirova. Kidieli kilala ku vivaga chi lirova chaahia, kandi kidieli kilala ku vivaga chi misaala chaahia, kandi uvulimu vwosi uvuvisi vwaahia.