Isaya 25:2 - KITABU KITAKATIFU

² Umali kokora madaala manene kuva mang'anye nukwononyia zimbiga ziago. Zinyumba ziuvwami zia vasigu viitu vumbaka zituliho mihiga ni mihiga.

Isaya 25:2 ပူးပေါင်းရင်းမြစ်များ

Ayubu 12:14

Niiva Nyasaye alasambula, siaveeyeho nu mundu unyala kwumbaka kandi mba, niiva alaviika mundu mu vuhambe, siaveeye nu unyala kumutuliza mba.

Isaya 13:20

Mundu sialakamenye mu lidaala yili kandi mba, anoho Avaharabu vagendagenda si valakumbake amahema gaavo mu lidaala yili mba, kandi avayi si valakaloombe mu uvwayiru ku mitugu jaavo mba.

Isaya 13:21

Lidaala yili lilakave havundu hi zinyama ziu muchangalangwe zilakamenye kandi lilakave havundu ha makuuri galiumbaka zinyumba ziago. Amahudu galamenya yo, kandi zimburi ziu muvulimu zilavinira mu mang'anye.

Isaya 13:22

Zimbiti zilafuma mu zimbinga zia zio, na vivwi vi laloka mu zinyumba ziuvusangali ziazio ziu vwami. Ing'inga yu kudiviza lidaala linene lia Babiloni iduuki! Amadiku galio sigalamedwa kandi mba.”

Isaya 14:23

Ndakora kivala yiki kuva havundu hi vilungu komenya, kandi ndakekola kuva madavalia ga amazi, kandi ndeya kivala yiki na amenyo gu kudiviza. Inzi Yahova Wuvunyali mali kovora.”

Isaya 17:1

Yahova yavoola, “Damasiko sililava lidaala linene kandi mba. Lilava vuzwa kitumi chi vianyi.

Isaya 17:3

Zimbinga ziukuhalira mu zilatulizwa ho mukivala cha Efuraimu. Zinguru ziuvwami vwa Damasiko zilahera; Avandu va Siria avalitigala valava kuli uvukumi vwa vandu va Isiraeli, Inzi Yahova Wuvunyali mali kovora.”

Isaya 21:9

Nonoho, avandu vazaa! Avandu vanini ku zibarasi, vaviri ku vaviri; Mulindi ahaanaa makuva, “Lidaala lia Babiloni limali kugwa! Vifananyi viosi viavaasigamiraa vigwiyi hasi.”

Isaya 23:11

Yahova umali kunyiira mukono gwigwe kunyanza nukwononyia uvwami. Umali kuhaana lilaga kwononyia havundu hu vukala mu Foenisia.

Isaya 23:13

Sivali vandu va Siria mba, navuzwa vaali vandu va Babiloni valeka zinyama ziu muvulimu nizimenya mu Tiro. Vingilira, nivasambula zimbinga zia Tiro, kandi nivaleka lidaala yilio mu mang'anye.

Isaya 24:10

Vindu viagoyana mu lidaala linene, vuli mundu yihaniyi munyumba avuli kusalilizwa.

Isaya 25:12

Alakadivizi zimbinga zia Moabu harara na madigi gaavo matambi nukugatuula hasi mu luguchi.

Isaya 26:5

Umali kugehiza yavo avaari avigingiri; umali kudiviza lidaala linene liavaamenyaa mu; umali kusambulanyia nukutuura madigi galio hasi mu luguki.

Isaya 27:10

Lidaala linene liembinga litigaye mang'anye. Liing'anyiywi kuli ligendanyama iliere. Ligwiyi uvwayiru vwi mitugu, aha ginyala kososera nukwaaya.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 32:19

Navuzwa imbura ya magina ilakuba mu militu, kandi lidaala linene liradivizwa ligali.

Isaya 34:13

Amafwa ni zindavati na matagalo zilamera mu zinyumba ziavo ziosi ziu vwami, nukumadigi gamadaala, kandi maudo ni vivwi vilakamenye mu.

Isaya 37:26

“Ivi ukikiri kuhulira ndi ndalohiza yaga goosi kutura madiku ga kale? Na kalunu inzi mali kugadukiza. Ndakuha zinguru ukugirung'anyia madaala manene gizimbinga kugwa vitumi via mang'anye.

Jeremia 51:26

Sililavaho ligina kali lilala kutura ku mang'anye googo ililakatumikilwi kwumbaka mba. Ulakave kuli changalangwi mihiga ni mihiga. Inzi Yahova mali kovora.

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Kwidzulitsa 13:16

Muleete harara miandu josi ja avandu vamenyi mu lidaala yilio na muvivungizi hagati hi lidaala zana. Maku mulasaamba lidaala liosi harara ni vindu viosi viveeye mulio kuli kihanwa ku Yahova Nyasaye winyu. Kuduuka lilekwe mang'anye mihiga ni mihiga, kandi litumbakwa vuhia mba.

Likunula 18:19

Viyuhira uluguchi ku imitwi jaavo, ni vaahanzuka, nivalira nu kusioma, nivavoora, “O, Vayaayi! Vayaayi! Kivi keveeye ku lidaala linene! Liveeye lidaala linene lia vosi avaveeye ni izimeri ku zinyanza vanyoola vutugi kigira uvuhinda vwalio. Kandi mu isa ndala vuzwa limali kogotiza ivindu viosi.”