Isaya 24:22 - KITABU KITAKATIFU

²² Nyasaye alavungiza avami harara kuli avahambe mu vogo. Alavahanira muvuhambe kuduuka ing'inga yi lihevwa mageri gaavo iliduuka.

Isaya 24:22 ပူးပေါင်းရင်းမြစ်များ

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Isaya 24:17

Uvutihizi, ovogo nimitego vimulindiliraa, O, munyi avamenyaa ku lirova.

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Ezekieli 38:8

Inyima wi mihiga minyingi, ndakamulage yingiliri kivala uwa vandu viranywa harara kutura mu zihiiri zinyingi vamenyi vugira uvuti vwu vulwani. Alakingiliri vigulu via Isiraeli, iviali hazwa kandi vialekwa ku ing'inga indambi, navuzwa uwa avandu vosi kalunu vamenyi mu mirembe.

Zekaria 9:11

Yahova avoora, “Kigira lilagana liange na munyi liakunikwa na masahi gi visiuviliru, ndakahaane vovoholore ku vandu vinyu vaduuki kutura mu liliina liovuhaambe litaveeye na mazi.

Zekaria 9:12

Mwilane, munyi avandu vazia mu vuhaambe vamuveeye ni lisuuvirizwa kalunu; mwilane mu kivala chiinyu chi mirembe. Kalunu muvooleraa, ndakahaane kandi madanyi ku munyi kuvita haali kaviri nu vugasu kolondekana nu vusaliri vwinyu.

Likunula 20:2

Yagumira ogoyoka zana, ogoyoka gwa kale yigwo ogoveeye Lidemoni anoho Setani, naagovoha nu munyororo ku mihiga eletu ndala.