Isaya 24:18 - KITABU KITAKATIFU

¹⁸ Ku vosi ogerizaa kwiruka kutura ku vutihizi alagwa muvogo, na oyo ogeriza kwiruka kutura ku vogo alagumirwa numutego. Migera ji imbura jilasunduka kutura mwigulu, na imise ji lirova jiladengeya.

Isaya 24:18 ပူးပေါင်းရင်းမြစ်များ

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

Litanga 7:11

Lwa Nuhu yaali naveeye ni mihiga 600, ku lidiku lia 17 liu mweli gwa 2, visenukiru viosi via mazi manene isi wi lirova, viafuduka. Nyasaye yakunura madirisha goosi gu mu ligulu.

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

Ayubu 20:24

Lwa agerizaa kwiruka ku kivavi chikivia; uvuta vwu mugasa vulamulasa nu kumufuduranyia.

Zaburi 18:15

O, Yahova, ivi wakola luliva lwi inyanza kwuma, kandi imise ji lirova jakunulwa lwa wagondokera avasigu vovo, nufuumira mu vutima vuvwo vululu.

Zaburi 18:7

Maku lirova liosi liadegera na imise ji vigulu jadengeya. Kigira Nyasaye yaali nu vutima.

Zaburi 18:8

Mwochi gwaduuma kutura mu amuulu geege, na olomemo lusambaa na manda gu muliru gwaduka kutura munwa gwigwe.

Kohelethu 9:12

Siulamanya lwi ing'inga yooyo yiza mba. Kuli linyonyi ligimilwa mu mutego, kuli isuzi igimilwa mu muluvo, kwamala kugumirwa mu mutego ing'inga indamanu ya kutaganaganaa.

Isaya 13:13

Kulwayago, ndakora ligulu kodegera, kandi ndasung'usa lirova kutura mu vogono vwalio ku lidiku lia inzi, Yahova Wuvunyali manyia uvutima vwange.

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Isaya 2:21

Lwa Yahova yaazaa kodegeriza lirova, avandu valakivisi mu zimbangaywa zia magina gi vigulu kandi mu malina, nokogeliza kwiruka kutura ku vutima vwivwe, kandi kwivisa kutura kuzinguru zizie kandi ku vukumi vwivwe.

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Isaya 8:14

Kigira litihiza liu vutakatifu vwange, mbeeye kuli ligina liavandu vikigitara ku; mbeeye kuli mutego guligumira avandu vamadala ga Ivuyuda na Isiraeli kandi na vandu va Jerusalemi.

Jeremia 48:43

Litihiza, mitego kandi ovogo viveeye imbiri winyu munyi avandu va Moabu. Yahova umali kovora.

Jeremia 48:44

Mundu woosi ogeriza kutura mu litihiza yili alagwa mu ovogo, kandi oyo ogeriza kunina kutura mu ovogo alagumirwa nimitego, kigira Yahova umali kuviikaho ing'inga yu kudiviza Moabu.

Lisyoma lya Jeremia 3:47

Kwadivizwa ma kwatigara amang'anye; komenyaa muvuhimwa nuvuti.

Ezekieli 11:8

Munyi mutiizaa vivavi? Ndaleta vandu vamwingiliri ni vivavi.

Ezekieli 12:13

Navuzwa ndaavambura eneti yange kandi ndakamugimilimu. Maku ndakamuhili mu lidaala linene lia Babiloni, walikuzila vugira kulilola.

Ezekieli 15:7

ma nambahe mageri. Vamali kohononoka mumuliru mulala, navuzwa kalunu muliru gundi gulavasamba ligali. Lwa nambahe mageri, ivi waza umanye ndi Inzi mbeeye Yahova.

Amosi 5:18

O, vayaayi, kivi keveeye ku munyi avegombaa liduka lie lidiku lia Yahova! Kigira ki mwenyanga lidiku lia Yahova? Lilakave lidiku lie kisundi vugira uvulavu ku munyi.

Amosi 5:19

Lilakave kuli mundu wiruka isimba, ma yagana ni iduba! Noho kuli mundu wingiraa munyumba yeeye ma adiira mukono gwigwe ku lidigi, navuzwa enzoka imuluma!