Isaya 24:13 - KITABU KITAKATIFU

¹³ Yiki nicho ichazachekoleke mu vuli ihiiri ku lirova liosi. Galakave kuli keheri chi ligesa, lwa mizeituni jilakave nijimali kusung'uswa kutura ku vuli musaala kandi mazabibu gukumaliriza gamali kwagurwa kutura ku vuli muzabibu.

Isaya 24:13 ပူးပေါင်းရင်းမြစ်များ

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 17:4

Yahova yavoola, “Lidiku liizaa lwa ovonene vwa Isiraeli vulahera, na uvudaka vulavugula vogono vwu vutugi vwavo.

Isaya 27:12

Lidiku yilio, kutura ku mugera gwa Efurate kuduuka ku lwako lwa Egebeti, Yahova alavungiza avandu veve sa mulala, kuli mundu yahulanyia ingano kutura ku mukuzi.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Jeremia 44:28

Navuzwa vakekeeke ku munyi avalihononoka kutura mu likuza kandi valirana kutura Egebeti kuzia Ivuyuda. Maku yavo avatigara vosi vaza komenya Ivuyuda avalihona valamanya ndi na makuva gange agaveeye giligali anoho na makuva gaavo.

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Kyavalevi 19:9

“Lwa mugesa milimi jinyu, mutavuna maduma ligali kuduuka ku zinzako zie milimi jinyu mba; kandi mutavungiza vialekwa vieligesa lienyu mba.

Mika 2:12

“Navuzwa ndamuvungiza harara ligali, avandu vosi va Isiraeli avatigara. Ndamuvungiza harara kuli amagondi gilanaa mu kego. Kuli chayo chizuuyi amagondi, kivala chienyu kilava kandi na vandu vanyingi.”

Mika 7:1

O, vayaayi, kivi keveeye ku inzi! Mbeeye kuli mundu oveeye ninzara uvula konyoora amakuyu gukwagula ku misaala kandi amazabibu ku mizabibu. Viganda via mazabibu malahi viosi kandi makuyu gumwayu aganyenyaa goosi gamali kwagurwa.

Matayo 24:22

Navuzwa Nyasaye umali kwimbihiza amadiku yago. Alavula kokora ndio, ngano sihaveeyeho nu mundu woosi uwakahoni mba. Navuzwa kigira avatovole veve, Nyasaye alakimbihiza madiku yago.

Likunula 3:4

Navuzwa oveeye na amita ga avandu vakekeeke mu Saride, avavura kokora vwoni. Mulakagende harara ninzi ni mwiviki izinguvu izindavu, kigira muduukani.