Isaya 22:12 - KITABU KITAKATIFU

¹² Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Isaya 22:12 ပူးပေါင်းရင်းမြစ်များ

2 Kyetsinyinga 35:25

Muporofeti Jeremia yalomba ulwimbu lwu lwikuulu ku mwami Josia. Kali kuduuka kalunundi, gwagwa umwima ku avimbi vakali na vasaza mu Isiraeli ukwimba mu liekula liavo. Yakola Lwimbu yilu kuva lilaga mu Isiraeli, na lwang'odwa mu zinyimbu zieliekula.

Ezara 9:3

Lwa ndaahulira yaga, ndaatandura zinguvu ziange kandi nimanyula liisu kandi zinderu ziange kandi ninzikala hasi muligenya kandi muvovereri vonene ligali.

Nehemia 9:9

“Ivi walola kuli avaguuga viitu vakuba kivi mu Egebeti; Ivi wahulira lilira liavo kigira ovokonyi ha Inyanza Inzakanyu.

Ayubu 1:20

Maku Ayubu yasingira naatandula zinguvu zizie mu vovereri. Yavega liisu ku mutwi gwigwe, kandi naagwa hasi mamumama.

Kohelethu 3:11

Yalomba vindu viosi vilahi mu ing'inga yavio; kandi ya viika limanya lie mihiga ni mihiga muziganagani ziu mundu, navuzwa mundu si yamanyiriza ga Nyasaye yakola kutura mulitanga kuduuka mulimalirika mba.

Kohelethu 3:4

Ing'inga yu kulira kandi ing'inga yo koseka, ing'inga yu kusioma kandi ing'inga yu kuyaanza,

Isaya 15:2

Avandu va Diboni vanina ku kiguru ukusiomera hatakatifu haavo. Avandu va Moabu vakuba zikwiri mu vovereri kigira Nebo kandi Medeba; vaavegi mitwi ni zinderu ziavo mu vovereri vonene.

Isaya 26:10

Kali niiva oveeye ni zimbavasi na vandu vadamanu, sivigaa kokora uvulungi mba. Kali hano, mu kivala cha vandu valungi, vandu vakekola vuzwa uvudamanu. Vasuura kuvugilira ovonene vuvwo.

Isaya 29:1

Jerusalemi! Jerusalemi! Lidaala linene lia Daudi, kivi keveeye ku munyi! Leka muhiga gundi anoho giviri jiviti, harara ni lilia kandi masavo gajio,

Isaya 3:24

Muvogono vwukutumikira ivifunyaa mwayu, valafunya vugundu, mu vogono vwu kwevoha misibi mirahi, valevoha zimbunu, havogono hi liisu lilahi, valava ni chole, na havogono hi zinguvu zindahi, valivika zinguvu zia madali. Ligondo liavo lilahi lilagirunganywa kuva zisoni.

Isaya 32:11

Munyi mwamenyangi mulielemeliza, litaveeye ni lihenda mwoyo, navuzwa kalunu, mudegere nu uvuti! Mutulizi zinguvu zienyu, kandi mwevohe zinguvu ziamagunia mu vikenge vienyu.

Isaya 37:1

Nonoho lwu mwami Hezekia yahulira makuva gaavo, yatandula zinguvu zizie mu vovereri, niyiviika zinguvu zia magunia, ma nazia mu Litembeli lia Yahova.

Isaya 37:2

Yatuma Eliakimu, mutumikiri wasingilira inyumba yu vwami, Shebuna, mung'odi wi kiyaalo, kandi harara na vasaalisi vaduukiru ligali ku Muporofeti Isaya muyaayi wa Amozi. Navo kandi vaali niviviiki zinguvu zia magunia.

Isaya 58:3

Avandu vateva, “Kigira ki kunyi kohonge lilia niiva Yahova sialola mba? Kigira ki kwegehiza niiva ivi si uvugulaamu logendo mba?” Yahova avavolera, “Agiligali gaveeye ndi, ku ing'inga ndala nzere ya muhongaa lilia, munyi mwenya vuzwa lieyanziza lienyu aveene, ni mudambiza avayinziri vinyu vosi.

Jeremia 16:6

Avatugi navadaka valakuza mu kivala yiki, navuzwa siaveeyeho kali mulala ulivasiomera anoho kuvayavira mba. Siaveeyeho kali mulala ulakikale mwene anoho kovega mutwi gwigwe kumanyia ovovereri mba.

Jeremia 16:8

“Utingira munyumba yavandu valombi lilia mba. Utikara hasi navo kulia kinga kunwa mba.

Jeremia 4:8

Kunangwa mwiviki zinguvu ziamagunia, muliri kandi musiome; kigira vutima vululu vwa Yahova vukikiri kugirung'ana kutura ku avandu vi Ivuyuda.

Jeremia 7:29

“Musiome, munyi avandu va Jerusalemi, muvege liisu lienyu na mulisiuvi ihale. Mwimbi zinyimbu zie likuza ku zindongozi zie vigulu, kigira inzi Yahova mbeeye nu vutima, mali kusuura avandu vange.

Ezekieli 27:31

Vavega masu gaavo kigira munyi, kandi viviika zinguvu zia magunia. Vaali nu vuliduhu mu mioyo jiavo lwa vasioma.

Danyeli 5:1

Vudiku vulala mwami Belishaza yagenihiza vandu vanene 1,000 kutura munyumba yu vwami mu lilia linene, na vanwa iwaini harara.

Hosea 9:1

Munyi avandu va Isiraeli, mutasangalira masavo ginyu kuli avandu vatamanyi Nyasaye mba. Mumali kugirung'ana kutura ku Nyasaye winyu kandi si muveeye avasuuvirifu kuyo mba. Mukivala choosi mwayiguliza kuli amalaya ku munyasaye Baali, kandi mwayaanza uvuswage vwa mwaganagana yaamutunga!

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Joeli 1:8

Avandu munyi muliri kuli mukaana usiomeraa likuza liu musaza wa yaali niyenya koserera.

Joeli 2:12

Yahova avoora, “Navuzwa kali kalunu mwiganiri mugiligali na mwirane ku inzi mu lihonga lilia, lilira ni lisioma.

Joeli 2:17

Avasaalisi avatumikiri va Yahova hagati hu vwali kandi nuvwingiliru vwi Litembeli, kuduuka valiri, vasaale na vavoole: “Yahova, overerere avandu vovo. Utaleka izihiiri zindi zikulege nokokokolera kehenyahenye nokovoora, ‘Aveeye hayi Nyasaye winyu?’ ”

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Jona 3:6

Lwu mwami wa Nineve yahulira goosi agaali nigekolekaa, yatura kondeve yu vwami, natuliza iganza yeye yu vwami, ni yiviika zinguvu ziamagunia, ma niyikara mu ligoke.

Mika 1:16

Avandu vi Ivuyuda, muvege amasu ginyu mulisioma kigira vana va mwayaanza. Mwelombe iviole aveene. Kuli indizu, kigira avana vinyu valavugulwa kutura ku munye nukuhirwa mu lihaminywa.

Yakobo 5:1

Kalunu, munyi avandu avatugi, mumbulirizi! Mukubi zikwiri kandi musiome, kigira ikivi kiiza kumugwila.