Isaya 21:1 - KITABU KITAKATIFU

¹ Yili ni likuva lia Nyasaye kigira Babiloni Kuli vihuzuzi vinene kutura Negebu vihuzaa kuvitira hagati hi changalangwe, ikivi kilaaza kutura mu kivala chi litihiza.

Isaya 21:1 ပူးပေါင်းရင်းမြစ်များ

Ayubu 37:9

Zimbuza zie kiihi ziza kutura isavaalu, nuvukindu vululu navwo vuturaa Ivaale.

Isaya 13:1

Yaga na makuva ga Nyasaye yavulira Isaya mwana wa Amozi kigira Babiloni.

Isaya 13:13

Kulwayago, ndakora ligulu kodegera, kandi ndasung'usa lirova kutura mu vogono vwalio ku lidiku lia inzi, Yahova Wuvunyali manyia uvutima vwange.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 14:14

Ndazia igulu kuvita uvwerefu vwa malesi, kandi ndekola kuva kuli Nyasaye Wuvunyali.’

Isaya 14:23

Ndakora kivala yiki kuva havundu hi vilungu komenya, kandi ndakekola kuva madavalia ga amazi, kandi ndeya kivala yiki na amenyo gu kudiviza. Inzi Yahova Wuvunyali mali kovora.”

Isaya 17:1

Yahova yavoola, “Damasiko sililava lidaala linene kandi mba. Lilava vuzwa kitumi chi vianyi.

Isaya 47:1

Yahova avoora, munyi avandu vi lidaala linene lia Babiloni, “Mwiki hasi kutura kondeve yinyu yu vwami, mwikale hasi mu luguchi. Mwaali kuli mukaana mugima, wi lidaala lia Kalidei, navuzwa kalunu simulava avimioyo mike anoho avadedekere mba. Kalunu muveeye kuli avatugwa!

Isaya 5:28

Mivano jaavo juvuta ni miugi ligali, nuvuta vwavo vwetegeki kulasa. Zimbagayu zie zibarasi ziavo ziveeye zindinyu kuli magina; virenge via magare gaavo gu vulwani vinyagulaa kuli kihuzuzi.

Jeremia 51:1

Yahova avoora, “Henza, ndaleta imbuza yu kudiviza ku kivala cha Babiloni kandi ku avandu vamenyi mu.

Jeremia 51:42

Inyanza imali kusunduka mu Babiloni kandi igikuniki kuli iviguvuli vihuumaa.

Jeremia 51:51

Munyi muvooraa, ‘Kunyi kumali konyegwa kandi kuvikwa mu zisoni; si koveeye ni liekonya liosi mba kigira avageni vamali kuvugura havundu hatakatifu mu Litembeli.’

Ezekieli 1:4

Ndahenza igulu na ndaalora kihuzuzi nikihuuzaa kutura Ivaale. Uvwaku vwahemahema kutura mu malesi, kandi kisundi chakumbiriza iligulu. Mu lihemahema liu vwaku yivwo, kindu chaloreka kuli uvwakanyu vwu mugasa.

Ezekieli 30:11

Oyo harara na viliihi veve, avataveeye nizimbavasi valakaze kwononyia kivala. Na vingiliri avandu va Egebeti nivivavi, kandi kivala nachizuri miviri mikuzu.

Ezekieli 31:12

Avageni vi zihiiri vukutihiza valagotema kandi valagoleka. Zisia ziagwo kandi amatu gagwo galavunguluka ku vuli kiguru kandi livona mu kivala. Zihiiri ziosi iziamenyaa mu chiriri chagwo zilagoleka.

Ezekieli 38:9

Oyo harara ni liihi lilie kandi zihiiri zinyingi harara naye zilakingiliri kuli ikiihi kandi zilakunika kivala kuli lilesi.”

Danyeli 11:40

“Lwi ing'inga yu mwami wa Siria yu kumalirika iliva ahimbi kuduuka, mwami wa Egebeti alakamwingiliri, na mwami wa Siria alakamulwaane ni zinguru zizie ziosi. Alakatumikiri magare gu vulwani, zibarasi, kandi zimeri zinyingi Alakingiliri vivala vinyingi kuli amazi gi migelera.

Zekaria 9:14

Yahova alakaloleke ku vandu veve; alakalase mivano jije kuli loheni. Yahova Wuvunyali alakahuliriki kuli kisiriva; alakagende mu imbuza enene kutura Isavaalu.