Isaya 11:10 - KITABU KITAKATIFU

¹⁰ Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 11:10 ပူးပေါင်းရင်းမြစ်များ

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

1 Kyetsinyinga 2:12

Boazi yaali baba O, bedi na Obedi yaali isi Jese.

Zaburi 116:7

Ove nilielemeriza mu mwoyo gwange; kigira Yahova umali kongolera malahi ligali.

Zaburi 145:11

Valamoloma makuva guvukumi vwu vwami vuvwo vwi zinguru. Kandi valavoora makuva gizingulu zizio zinene;

Zaburi 149:5

Leka avandu va Nyasaye valungi vasangale mu liguuta liavo, na vimbi nuvusangali vudiku vwosi.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Zaburi 91:4

Alakukunika ni zimbaha zizie; ulanyora mirembe mu vulindi vwivwe, uvusuuvirifu vwivwe vulakukinga kandi vulakosoola.

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 14:3

Yahova alasosiza avandu va Isiraeli kutura ku vusaliri nu vuzunu vwavo, kandi kutura ku miyinzi midinyu javanigirwa kokora.

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:2

Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Isaya 2:3

Avandu avanyingi valaza nivavoora, “Gendi kuzie ku Kiguru cha Yahova, ku Litembeli lia Nyasaye wa avandu va Isiraeli. Alakwigiza agayenya kunyi kokole. Kulagenda kuzinzira ziamali kotovola, kigira amalago ga Yahova gaturaa Jerusalemi. Kandi amolomaa ku avandu veve kutura Ziyoni.”

Isaya 28:12

Yahaana vosoosi ni lielemeriza ku munyi mwosi, navuzwa mwasuura kumuhulira.

Isaya 42:4

Sialakuza mwoyo mba, navuzwa alaleeta likalaga lirungi ku lirova. Avandu vamenyi mu visulu valindilira lilaga lilie.”

Isaya 49:22

Mwami munene Yahova avooreraa avandu veve ndi: “Ndagingira avandu vi zihiiri mukono gwange, kandi ndagiinga ebendera yange igulu kuva kuli kelolekizu ku vandu vange, kandi mulaleeta avana vinyu avayaayi ni vagingiywi ku vilitu vienyu kandi avana vinyu vakaana nivagiingiywi ku mavega ginyu.

Isaya 59:19

Sa mulala alatia lieta lia Yahova nizinguru zizie kutura Ivugwi kuduuka Imadioli, kandi alamanya uvukumi vwivwe kutura ing'inga yiliuva litongaa. Alaza kuli mugera gutulikaa nizinguru zinene ligali; ugwa imbuza kandi kuli ihuuzaa.

Isaya 60:3

Zihiiri zilaza ku vulavu vwinyu, kandi avami valaza ku vwaku vwi lidiku lienyu lihia.

Isaya 60:5

Maku mulalora yaga kandi mioyo jinyu jilava nu vusangali ligali. Mudegera muligosa miandu ji zihiiri jilaletwa ku munyi; uvutugi vwavo vulaza kutura engeleka wi inyanza.

Isaya 62:10

Munyi avandu va Jerusalemi, muzie mu lidaala linene mulombe inzira ku vandu vinyu avilanaa! Mwetegekize inzira enene, mutulizi amagina muyo! Mugiingi ebendera kuva kuli ekelolero, kunangwa zihiiri ziduuki kumanya;

Isaya 66:19

kandi valamanya ndi inzi Yahova mbana amageri kuvo. Navuzwa ndahonyia valala nukuvatuma ku zihiiri, ziveeye mu vivala vikagatanaa ni inyanza - Tarishishi, Libia, Lidia kivala keveeye na vasaza vaveeye ni limanya liu kulasa uvuta, Tubali kandi Ivuguriki. Avandu vakikiri kuhulira luyali lwange anoho avakikiri kolola ovonene kandi zinguru ziange, hagati hi zihiiri yizi, valalandiza ovonene vwange.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Haggai 2:9

Litembeli lihia lilakave nu vukumi kuvita Litembeli likulu, kandi hene yaho ndakahaane ku vandu vange miandu kandi mirembe.” Yahova Wuvunyali umali kovora.

Zekaria 6:13

Niye ulakaliumbake kandi alakanyoole luyali luduukanaa mwami; kandi alakamiihi avandu veve. Musaalisi alakave kondeve yu vwami vwivwe, kandi valakakole miyinzi harara naye mu mirembe kandi mu lihambana.’

Livalidza 10:33

Kunangwa vandu va Isiraeli vatanga ologendo lwavo kutura ha kiguru kitakatifu cha Sinai vagenda ku madiku gavaga. Vasaalisi avagingaa Lisandugu lie Lilagana lia Yahova vazia imbiri wavo kwenyeleriza havundu ha vandu va Isiraeli vasosera.

Matayo 12:21

avandu vosi valakaviki lisuuvira liavo muye.”

Matayo 8:11

Na muvooleraa, avandu vanyingi valaza kutura Ivugwi ni madioli, kandi valikala mu lilia harara na Aburahamu, Isaka na Yakobo mu Vwami vwu mwigulu.

Luka 2:32

imbiri wa avandu vosi, uvulavu kuvuula uvulariri vuvwo ku avandu vi zihiiri kandi koleta uvukumi ku avandu vovo Isiraeli.”

Yohana 12:32

Lwa ndigingwa igulu ku musalaba nu kuhilwa mwigulu kutura mu kivala, ndang'usa avandu vosi sa mulala vaze ku inzi.”

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 28:28

Maku Paolo yamaliriza navoora, “Kunangwa mumanye, amakuva ga Nyasaye agovohonyi gahiliywi ku vandu Avizihiiri. Aveene valagahulira!” [

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.

Likunula 5:5

Maku mulala ku vakulundu yavo yambolera, “Utalira mba! Henza! Isimba mu ihiiri ya Yuda, chisukululwi cha Daudi, uguuti uvulwani, naveeye nu uvunyali kovoholora imihuri jacho saba nu kukikunula.”