Isaya 10:3 - KITABU KITAKATIFU

³ Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Isaya 10:3 ပူးပေါင်းရင်းမြစ်များ

Litanga 31:1

Yakobo yahulira ndi avayaayi va Labani vavoola, “Yakobo amali kuvugura vindu viosi via baba wiitu. Yanyoora vutugi vwivwe vwosi kutura ku miandu ja baba wiitu.”

2 Avami 7:15

Vasaza vazia kali kuduuka ku mugera gwa Jorodani. Valora zinguvu ni vindu via vandu va Siria vaang'araa lwa virukaa. Viraana nivavolera mwami.

Ayubu 31:14

Niiva si mbulirizi ku makuva geege, ndakasingiiyi ndi imbiri wa Nyasaye? Ndativula kindiki imbiri wa Nyasaye lwa yaza kungaragira?

Tsing'ano 11:4

Uvutugi sivulakokolela kindu kilahi ku lidiku liilio lie likuza mba, navuzwa vusuuvirifu vulakohonyia.

Isaya 13:6

Mukubi zikwiri kigira lidiku lia Yahova liveeye ahimbi! Yahova Wuvunyali alaleeta lidiviza.

Isaya 17:4

Yahova yavoola, “Lidiku liizaa lwa ovonene vwa Isiraeli vulahera, na uvudaka vulavugula vogono vwu vutugi vwavo.

Isaya 20:6

Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”

Isaya 26:14

Kalunu vaakuzi, na sivalava mwoyo kandi mba; mioyo jaavo sijilavuuka kandi mba, kigira ivi umali kuvaha mageri kandi kuvadiviza ligali. Sihaveeye ho numulala uvizuliza kandi mba.

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Isaya 28:20

Mulakave kuli mundu mu zing'ano, ogerizaa kogona mu kidali keveeye chimbi gidi kuye kali sianyala kwiinyira vulungi kucho mba, numulingedi gutaveeye muvambalalu kali sianyala kwifuma mba.

Isaya 29:6

Yahova Wuvunyali alamusoola ni zinguba ziukutihiza kandi nilidegera lie lirova. Alatuma kihuzuzi chi kiihi kandi olomemo lwu muliru.

Isaya 30:16

Muvogono yivwo, mulohiza kwiruka kutura ku vasigu vinyu ni munini ku zibarasi ziruka zimbiru ligali. Kandi muveeye vulahi kwiruka nigo aga mwenyeka mukore! Muganaganaa zibarasi zienyu ziveeye ni zimbiru ligali navuzwa avamulondelaa valakave nizimbilu kuvita zienyu.

Isaya 30:5

Avandu vi Ivuyuda valaduuka mu zisoni zinene kigira vaasuuvira mu ihiiri yavula kuhaana ovokonyi kuvo lwaveenya kukingwa.”

Isaya 30:7

Vokonyi vwa avandu va Egebeti vahaana si vuveeye kindu mba. Kunangwa mali kugulika Egebeti ‘Goyoka ogonene gutaveeye ni isumu.’ ”

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Isaya 39:3

Maku muporofeti Isaya yazia ku Mwami Hezekia namuteeva, “Avandu yava vatuli haliha, kandi vakovoleye kindiki?” Mwami Hezekia yativura, “Vazi kutura Babiloni, kivala chi ihale ligali.”

Isaya 5:14

Kivala cha vakuzu keveeye ninzara. Chalaminyi munwa gwacho kuvamira. Kimiraa aviimiliri va Jerusalemi harara ni kiduma cha vandu vandi avakolaa liyoga.

Isaya 5:26

Yahova ahaanaa kimanyiru ukulanga zihiiri zie ihale. Avakubiraa miluli kuvalanga vaze kutura ku keheri che lirova. Na henza, vazaa nivanyagura zimbiru, vwangu ligali!

Jeremia 22:7

Nduma avandu kuza kudiviza inyumba yu vwami yiyi. Valaza ni zimbazi ziavo, valatema nu kugwihiza zitiru ziayo zie midaragwa, nu kujisiuva mumuliru.

Jeremia 4:30

Avandu va Jerusalemi, mwadiva! Kigira ki mwivika zinguvu zinzakanyu? Kigira ki mwisiaha viukwisiaha viizahabu nukuvaka mu zimoni zienyu? Mwekora munyi aveene kuva avalahi vugira kindu! Avanyasaye vinyu vamusuuri kandi venya kumwita.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 9:9

Nyara kuvula kuvaha amageri kigira ivindu yivi? Kandi nyara kuvanza kisaalia ku ihiiri kuli yiyi? Inzi, Yahova mali kovora.”

Hosea 5:13

“Lwa avandu va Isiraeli valora uvulwaye vwavo, kandi avandu vi Ivuyuda lwa valora zingwago ziavo, hene yaho, avandu va Isiraeli vazia Asiria koteeva ovokonyi kutura ku mwami munene. Navuzwa mwami munene oyo si yaali anyala kohonyia zingwago ziavo mba.

Hosea 9:5

Munyi mulakolaki ku lidiku litovole lie lisavo kandi ku lidiku lie lisavo lia Yahova?

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Amosi 5:19

Lilakave kuli mundu wiruka isimba, ma yagana ni iduba! Noho kuli mundu wingiraa munyumba yeeye ma adiira mukono gwigwe ku lidigi, navuzwa enzoka imuluma!

Mika 7:4

Kali mulahi kuvita vosi kandi musuuvirifu kuvita vosi vuzwa vaveeye kuli indiva. Lidiku limali kuduuka lwa Nyasaye nahaane mageri ku avandu, kuli yaviganihiza kuvitira mu avasikari veve, avaporofeti. Kalunu vaveeye mu vogoyani.

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Luka 19:44

Valamudiviza ligali harara na vana vinyu avaveeye mu madigi ginyu. Sivalileka ligina kali lilala ku lindi mba kigira simwamanyiriza ing'inga yiliiza lia Nyasaye ku munyi mba!”

Kwidzulitsa 28:49

Yahova alaleeta zihiiri ku munyi kutura ihale, ku keheri chi lirova, ihiiri ya munyi mutamanya lulimi lwayo. Valaza hasi vwangu ku munyi kuli liburuka lie kihungu;

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.