Isaya 10:29 - KITABU KITAKATIFU

²⁹ Vamali kwambuka inyambuku, na vaziiye konyoora lisosa lia vudiku ha Geba! Avandu mu lidaala lia Rama vaveeye nu vuti, kandi avandu mu lidaala lia Gibea liu mwami Saolo vamali kwiluka.

Isaya 10:29 ပူးပေါင်းရင်းမြစ်များ

1 Avami 15:23

Vindu vindi viosi vio mwami Asa yakola, vikolwa vivie viuvuluviliri, na madaala ga yumbakira zimbinga viang'odwa mu kitabu cha makuva ga kale ga vami vi Ivuyuda. Navuzwa mu vusakulu vwivwe, vulwaye vwamuleminya virenge.

Jeremia 31:15

Yahova avoora, “Mwoyo gwahulirika mu Rama, lihulirika lie lisioma linene ligali Raheli asiomeraa avana veve; vosi vamali kukuza, kandi asuuyi koleminywa mwoyo.

Hosea 10:9

Yahova avoora, “Avandu va Isiraeli, si valekera kokora uvwoni ku inzi kutura ing'inga ya vaali ha Gibea mba. Kunangwa Uvulwani vulavonyoola mu Gibea.

Hosea 5:8

Mukubi visiriva viu vulwani mu Gibea! Mukubi kiliri mu Rama! Mukubi liyoga liu vulwani ha Bezaveni! O, munyi avandu va Benjamini, muzie muvulwani!

Hosea 9:9

Avandu yava vaveeye avadamanu ligali mu vikolwa viavo, kuli mu madiku gavaali mu lidaala lia Gibea. Nyasaye aliizuliza uvwoni vwavo kandi alavaha amageri.

Joshua 21:17

Vahevwa kandi madaala manene gane kutura mu kivala cha Benjamini. Madaala yaga gaali: Gibeoni, Geba,

1 Samweli 10:26

Saolo yirana yengo weve mu lidaala lia Gibea. Avasaza valala vizingulu, ava Nyasaye yaali nadiiyi mioyo jaavo, vazia naye.

1 Samweli 11:4

Avatumwa vaduuka ha Gibea, aha Saolo yamenyaa, na lwa vavoola amakuva yaga, avandu vosi vatanga kulira ni vakuzi mioyo.

1 Samweli 13:16

Saolo, muyaayi weve Jonazani, kandi avasaza vi liihi avaari naye valomba hokososa haavo mu Geba mu kivala cha Benjamini; navuzwa avandu va Filisitia valomba hokososa haavo ha Mikimashi.

1 Samweli 13:2

Saolo yatovola avasaza 3,000 kutura mu vandu va Isiraeli, vasaza 2,000 vaali harara naye ha Mikimashi kandi mu kivala chi vigulu cha Bezeli, na avasaza 1,000 vaali na Jonazani ha Gibea mu kivala chi ihiiri ya Benjamini. Saolo yatuma vasaza vandi vosi vazie yengo wavo.

1 Samweli 13:23

Avandu va Filisitia vaatuma valala ku vasikari vu vulwani kuzia kukinga inzira ya Mikimashi.

1 Samweli 14:2

Baba weve yaali nalombi hokososa hehe isi wumusala gulangangwa mukomamanga, mu lidaala lia Migironi ahimbi na Gibea. Yaali na vasaza 600 harara naye.

1 Samweli 14:4

Mu lumbatania lwa Mikimashi, mwa Jonazani yaduukanaa kuvitira kuzia mu hokososa ha Avafilisitia, haali ho na magina manene gaviri amuugi, lilala ku vuli lovega lwu lumbatania: lilala lialangangwa Bozezi na ilindi nililangwa Sene.

1 Samweli 14:5

Lilala liali ku lovega lwa Ivaale wiilumbataania, niliheenzi Mikimashi, na ilindi liali ku lovega lwa Isavaalu, niliheenzi Geba.

1 Samweli 15:34

Maku Samweli yazia Rama, na mwami Saolo naye nazia yengo weve Gibea.

1 Samweli 7:17

Maku yiranaa yengo weve mu lidaala lia Rama, uwa yatumika kuli mukalagi. Mu Rama, yumbakira Yahova uvwali.