Isaya 10:13 - KITABU KITAKATIFU

¹³ Mwami wa Asiria yigingira nokovoora ndi, “Mali kokora yaga goosi inzi mwene. Inzi mbeeye ni zinguru kandi mugeri wi limanyiriza. Mali kutulizaho zinzako hagati hi zihiiri, kandi mali kuvugura uvutugi vwavo kutura mu mavikiru gaavo goosi. Mali kuduvagira hasi avandu vamenyi yo kuli igiriki, nu kuvatuliza ku zindeve ziu vwami.

Isaya 10:13 ပူးပေါင်းရင်းမြစ်များ

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 16:8

Ahazi yavugula ifeza ni zahabu kutura mu Litembeli kandi mu livikiru lie inyumba yu vwami ma nagituma kuli kihanwa ku mwami wa Asiria.

2 Avami 17:24

Mwami wa Asiria yaleeta avandu kutura mu madaala manene ga Babiloni, Kuzi, Ava, Hamazi, Sefarivaimu, avamenye mu madaala manene ga Samaria, kuvugura vogono vwa vandu va Isiraeli avahilwa mu vuhambe. Vavugura Samaria kandi Ni vamenya mu madaala ga lio.

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

2 Avami 18:11

Mwami wa Asiria yaahira Visiraeli Asiria kuli avahambe, na valala kuvo vahevwa komenya mu lidaala linene lia Ala, avalala ahimbi nu mugera gwa Habori mu kivala cha Gozani, na vandi mu madaala manene ga Media.

2 Avami 18:15

Hezekia yamutumira ifeza yoosi iyaali mu Litembeli kandi mu livikiru lie inyumba yu vwami.

2 Avami 18:32

kuduuka lwu mwami yirana kumukola mu menye mu kivala ekeveeye kuli ichiinyu aveene, haveeye ni vizabibu ukuhaana iwaini, kandi haveeye nu vuswage vwo kolomba migadi. Keveeye kivala chi mizeituni, maguta ga muzeituni kandi uvwuki. Niiva mulakola aga amulagaa, simulakuza mba, navuzwa mulava mwoyo. Mutaleka Hezekia amusiruharize mu liganangana ndi Yahova alamuhonyia.

1 Kyetsinyinga 5:26

Kunangwa Nyasaye yakola mwami Puli wa Asiria, uwamanyikana kandi kuli Tigilazi - Pileseri, kwingilira kivala chavo. Yang'anyia avandu vi zihiiri zia Rubeni, Gadi ni Ivugwi wa Manase kuzia mu vuhaambe; kandi vidikira mu kivala cha Harara, Habori na Hara kandi ku mugera gwa Gozani.

Tsing'ano 28:11

Mundu mutugi aganagana ndi aveeye mugeri kazozo, navuzwa mundu oveeye mudaka nilimanya liu mugati amanyi ligali.

Isaya 10:8

Aveeye ni liegingira kovora ndi, “Avanene vange vosi vaveeye avami!

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Jeremia 46:8

Ni Egebeti yidudaa kuli Naili, kuli mugera gwizuuyi amazi. Avandu va Egebeti vavoola, ‘Kunyi kuliduda nukukunika lirova; kunyi kuladiviza madaala na avandu vamenyi mu.

Jeremia 48:14

“Munyi avandu va Moabu, kigira ki muganaganaa ndi muveeye avaluviriri, kuli avasikari vi zinguru mu liihi?

Ezekieli 25:3

Uvavoolere vahulirizi aga Inzi, Yahova, Wuvunyali, mboraa: Munyi mwayanzilira kolola Litembeli liange nilionogonywa, kivala cha vandu va Isiraeli nikitigaye chere kandi kolola avandu vi Ivuyuda nivahiliywi mu lihaminywa.

Ezekieli 26:2

Yavoola, “Mwana wu Mundu,” Yiki nicho kigira vandu va Tiro vasangala. Vahanzuka nivavoora, “Jerusalemi imali kudivizwa! Likiranyia lialio lie zinguru limali kohera! Si valahingana kandi nikunyi mba.”

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 35:13

Inzi mali kuhulira liegingira lienyu, nu kovora, makuva madamanu ku inzi.”

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Amosi 5:27

Kunangwa, ndakamuhili mu vuhambe mu kivala keveeye engereka wi lidaala linene lia Damasiko.” Yahova wi lieta lilie liveeye Nyasaye Wuvunyali avoora.

Amosi 6:13

Munyi mwigingiraa kigira mumali kugumira lidaala lia Lodebari mwiyizominyaa aveene nimuvoora, “Henza, kunyi kumali kugumira lidaala lia Karinaimu kuzingulu zietu zinene.”

Habakuk 1:11

Maku vavitaa vwangu kuli vukindu ma vazia, nyasaye wa vandu yava ni zinguru ziavo.”

Habakuk 1:16

Kali vasigamira miluvo jaavo kandi vahaana vihaanwa vie visiuviliru kuzio, kigira miluvo jaavo givahezaa choosi cha venya.

Habakuk 2:6

Avandu vaguutwa valasekeliza vaguuti vaavo nu kuvakolera kehenyahenye. Valavoora, “Muvuguraa vitaveeye vienyu, navuzwa mwalaamwa! Mulazizagilira konyoora vutugi muliniga vandu vaveeye na magovi ginyu kutunga kuduuka ng'inga ki?”

Kwidzulitsa 8:17

Kunangwa mutiiganagana ndi mumali kwekola avatugi munyi aveene kuzinguru nuvunyari vwa makono ginyu mba.

Vakalagi 7:2

Yahova yavolera Gidioni, “Avandu voveeye navo navanyingi ligali Inzi singuvugilira vanyoore uvuguuti ku vandu va Midiani mba. Valaganagana nivo avatumikiyi uvunyingi vwavo ku vandu va Midiani. Kandi sivalamba lizominya kali hakuzu.