Isaya 1:28 - KITABU KITAKATIFU

²⁸ Navuzwa Yahova aladuvulanyia mundu woosi okola uvwoni nukwibaala kuye. Aliita vuli mundu umuleka.

Isaya 1:28 ပူးပေါင်းရင်းမြစ်များ

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 21:10

Kutura lwene yilwo, kivala cha Edomu chi yamiha ichene. Mu ing'inga yene yeyo, lidaala linene lia Libuna liebaala, kigira Jehoramu yaali naleki Yahova, Nyasaye wa vaguuga veve.

2 Kyetsinyinga 28:23

Yahaana visiuviliru ku vanyasaye va Vandu va Asiria, avaari nivamuguuti. Yavoola, “Avanyasaye va Vasiria vakonya avami va Siria, kunangwa niimbana visiuviliru kuvo, hawundi vanyara kongonya.” Yivwo nivwo uvwoni vwagira Ahazi naagwa mu kivi, harara ni kivala chiche chi Ivuyuda.

2 Kyetsinyinga 28:6

Peka muyaayi wa Remalia yita avasikari valuviliri 120,000 vi Ivuyuda mu lidiku lilala; kigira avandu vi Ivuyuda vaali nivaleki Yahova, Nyasaye wa vaguugavavo.

Ayubu 31:3

Nyasaye atumaa kivi ku yavo avatali avalungi? Kandi atumana lidiviza ku yavo avakolaa uvudamanu?

Ayubu 34:26

Ahaanaa mageri ku avoni, imbiri wa vandu vosi;

Ayubu 34:27

kigira vamali koleka kumulonda, kandi vavuli kuhulira malago geege goosi.

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Zaburi 104:35

Leka avoni vadivizwi kutura ku lirova; leka avachamu vavuli kuva ho. Nzizominyaa Yahova nu mwoyo gwange gwosi. Yahova yizominywe!

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Zaburi 37:38

Navuzwa avoni valadivizwa ligali, kandi visukululwi viavo vilatulizwa ho ligali.

Zaburi 5:6

Ivi udiviza yavo avavolaa vovehi, kandi uvihilirwa yavo vikirage na avuvugaadi avatindi na aviiti.

Zaburi 73:27

Henza, yavo avalekaa ivi valadiva ligali. Ivi uladiviza ligali yavo avataveeye avasuuvirifu ku ivi.

Zaburi 9:5

Ivi umali kogondokera avizihiiri, nu kuvadiviza ligali, umali kuvakola vivilirwi mihiga ni mihiga.

Zaburi 92:9

Kunyi kumanya ndi avasigu vovo valakuza, na avachamu vosi valaguutwa.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Isaya 1:4

Munyi mudivi, ihiiri yuvwoni, yuvwoneku kandi avandu vadamanu! Munyi muveeye avandu vataveeye avasuuvirifu. Munyi mumali koleka Yahova Nyasaye Mutakatifu wa Isiraeli nu kumusuura.

Isaya 24:20

Lirova liene lilayekayeka kuli muhambiki nukuhunguzwa kuli kidioli kinuyangwa mu imbura yi kiihi. Lirova liminiywi nuvuliduhu vwa uvwoni vwalio; Lilagwa na sililasingira kandi mba.

Isaya 30:13

Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 50:11

Munyi vosi avalohizaa kwita avandi muladivizwa nililohiza lienyu aveene. Yahova mwene alakola yaga kokoleka, mulava mu vudinyu vunyingi ligali.

Isaya 58:2

Vuli lidiku vazaa ukusigamira. Vakayilangwa kumanya zinzira ziange, kuli yavo vaveeye ihiiri ekolaa uvulungi kandi itiviliraa malago ga Nyasaye wavo. Vatevaa inzi likalaga lirungi, kandi valoreka kuva nuvuha ukwisunda ahimbi ninzi, Nyasaye wavo.”

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Isaya 65:11

“Navuzwa munyi mwaleka inzi, Yahova winyu, kandi mwayivirira kiguru change Kitakatifu Munyi mwalomba viukulia niviukunwa nimuhaana ku avanyasaye vu vutugi kandi vi livamwoyo liekeheri.

Isaya 66:17

Yahova avoora, “Keheri keveeye ahimbi ku yavo avitakasa aveene lisigamira misambwa, kandi avazizaa mu milimi jukusigamira nivalonda yavo misambwa avalizaa zinyama zie zimbizi, kandi zinyama zia amajungu harara ni zinyama zindi ziu kuvihiliriza.

Isaya 66:24

“Avandu vosi valazia nokohenza ku miviri jakuza jayavo avamala kwibaala ku inzi. Zing'ende zililia miviri jaavo na si zilakuza mba, kandi muliru guvasamba si gulasiminywa mba, kandi valava chu kuvihiliriza ku vandu vosi.”

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 44:12

Avandu vosi avatigara Ivuyuda kandi avamali kotovola kuzia komenya mu kivala cha Egebeti, vosi valadivizwa. Vosi avanene ku avakeekeke valitirwa mukivala cha Egebeti mu liihi anoho ninzara. Valava litihiza, kandi avandu valavakolera kehenyahenye kandi valatumikira amita gaavo kuli kilaamo.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

1 Samweli 12:25

Navuzwa nimuzizagilira kokora vwoni, munyi harara nu mwami winyu muladivizwa.”