Isaya 1:2 - KITABU KITAKATIFU

² Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 1:2 ပူးပေါင်းရင်းမြစ်များ

2 Avami 21:22

Yasura Yahova, Nyasaye wa vaguuga veve, kandi natinguha lilaga lia Yahova.

Zaburi 49:1

Huliri likuva yili, avandu vosi! Muhulirizi, avandu vosi havundu hoosi.

Zaburi 50:4

Nyasaye yaza kutura mwigulu, aduuki kukalagira avandu veve imbiri wiligulu ni lirova kuli avalolekizi veve.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 30:9

Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 31:6

Yahova yavoola, “O, munyi avandu va Isiraeli, mumali kokora uvwoni imbiri wange nu kuhing'ana ninzi; navuzwa kalunu mwirane ku inzi!

Isaya 34:1

O, munyi avandu vi zihiiri ziosi, mwisunde ahimbi muhuliri! Munyi avandu vi lirova liosi, kandi ni viosi vimenyi mulio, mwisundi ahimbi muhuliri.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Jeremia 13:15

Avandu va Isiraeli, Yahova amali kovora! Mwegehizi kandi mumuhuliri.

Jeremia 22:29

O, munyi avandu vi kivala chi Ivuyuda; muhuliri aga Yahova amali kovora:

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Jeremia 6:19

Huliri, avandu! Kuli amageri kigira lilohiza liavo ndaleta lidivizwa ku avandu yava, kigira vasuura amigizu gange kandi sivahulira amakuva gange mba.

Ezekieli 24:3

Ovoole lugano yilu ku vandu vange avamali kwibaala, ulwa Inzi Yahova Wuvunyali mali kovora kigira yavo; Uviiki inyingu kumahiga ma witimu amazi gizuri mu du.

Ezekieli 36:4

Kunangwa kalunu, muhuliri aga Inzi Yahova Wuvunyali mboraa ku munyi; avandu va Isiraeli avamenyi ku vigulu, kandi kutogera kandi mumavona, kandi avamenyi havundu halekwa kuva mang'anye, kandi avamenyi mu madaala galekwa kandi agavalanywa kandi nimulegerizwa ni zihiiri ziosi iziamukumberiza.

Amosi 3:1

Munyi avandu va Isiraeli, muhuliri makuva ga Yahova amali kovora ku munyi ihiiri yoosi yatura mu kivala cha Egebeti;

Mika 1:1

Ing'inga ya Jozamu, Ahazi kandi Hezekia vaali avami vi Ivuyuda, Yahova yaaha Mika makuva yaga, uwatulaa mu lidaala lia Moreshezi. Yahova yaamuvulira ivindu yivi viosi ku madaala manene ga Samaria na Jerusalemi.

Mika 1:2

Muhuliri yaga munyi zihiiri ziosi; hulirizi ku amakuva yaga, vosi avamenyi ku lirova! Yahova Wuvunyali alava mulolekizi ku vindu vidamanu via mwakora. Muhuliri! Yahova amolomaa kutura mu litembeli lilie Litakatifu.

Mika 3:8

Navuzwa, ku lwa inzi, Yahova yizuliza mu inzi Roho weve kandi zinguru zizie, kandi yambeza likalaga liu vulungi nuvuluviliri ukwilwazira avandu va Isiraeli vwoni vwavo.

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Vikolwa 4:20

Kigira kunyi si kunyala koleka kovora amakuva gi vindu via kwalola kandi via kwahulira mba.”

Kwidzulitsa 1:31

kandi muchangalangwe. Mwalora kuli yamuleta vulahi mumirembe kologendo yilwo lwosi kuduuka havundu hano; kuli baba anyala kuginga muyaayi weve.

Kwidzulitsa 30:19

Inzi kalunu muheezaa litovola hagati hi livamwoyo ni likuza, hagati hu vugasu vwa Nyasaye ni kilaamo cha Nyasaye, kandi nangaa ligulu ni lirova kololekiza litovola lia mulomba. Tovoli livamwoyo kunangwa munyi harara ni visukululwi vienyu muduuki kuva mwoyo.

Kwidzulitsa 32:1

“Ligulu ni Lirova, huliri amakuva gange muhulirizi vulahi agambooraa.

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.