Hosea 9:4 - KITABU KITAKATIFU

⁴ Si mulaleeta vihaanwa vie iwaini ku Yahova mba, kandi si mulamuyaanziza ni visiuviliru vienyu mba. Viukulia vienyu vilava kuli via yavo avasioma, kandi vosi avaalia ku viukulia yivi valoneka. Viukulia yivi vilava kigira inzara yaavo aveene, si valavileeta mu Litembeli lia Yahova mba.

Hosea 9:4 ပူးပေါင်းရင်းမြစ်များ

Kutwula 29:40

Uhaane ikilo ndala yu vusie uvunyuki vwi ingano ni vuzugani ilita ndala ya maguta malahi ga muzeituni lwa uhaana kememe chukutanga. Uzuki ilita ndala yi waini eve kuli ikihaanwa chukunwa.

Kutwula 40:23

naviika ku mugadi guhaanwa ku Yahova, kuli Yahova yaali naamulagi.

Isaya 57:6

Muvuguraa magina materere kutura mu mugera yigwo nukugasigamira kuli avanyasaye. Muzukaa iwaini kugo kuli kihanwa nukugaleetera vihaanwa viu vuswage. Muganaganaa nyanzizangwa ni vindu yivi viosi?

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Jeremia 16:7

Siaveeyeho kali mulala ulakarii chukulia anoho ulinywa iwaini harara naye anoho ulakamuleminyi mwoyo lwumuyanze weve akuza mba, si aveeyeho mulala ulaka muvererere mba, kali ku oyo umali kogotiza baba weve anoho mama weve.

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Ezekieli 24:17

Utaleka likenya liilio lihuliriki mba. Uviiki virato mu virenge vivio kandi uviiki igudwa ku mutwi gugwo keve kuli kelolero chu kusioma. Utafuuma mumoni mumwo anoho umanyie ovovereri vuvwo mba, kandi utalia chukulia cha yavo avasioma mba.”

Ezekieli 24:22

Maku mulakakole aga inzi mali kokora. Simulakafuumi mu zimoni zienyu anoho kulia chukulia cha yavo avasioma mba.

Danyeli 1:8

Navuzwa Danieli yatovola avuli kwivika muvudamanu kigira lilia viukulia viu mwami anoho kunwa iwaini yeeye. Kunangwa yateeva Ashipenazi amuvugiliri avuli kwivika nuvudamanu.

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Hosea 7:16

Vagirung'ana kutura ku inzi nukuzia ku nyasaye utaveeye nizinguru. Vaveeye avandu vataveeye novokonyi kuli uvuta vwavedeka. Kigira aviimiliri vaavo vamoloma niliegingira valakakuzi likuza lilulu, kandi avandu va Egebeti valakavaseke.”

Hosea 8:13

Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Joeli 1:9

Sieveeyeho ni isadaka yu vuswage anoho yi iwaini yukuhaana mu Litembeli mba; avasaalisi vasioma kigira vavura zisadaka ziukuhaana ku Yahova.

Joeli 2:14

Nimutia Yahova Nyasaye winyu alagirung'anyia zing'anagani zizie na amugasizi nivitagwa vinyingi. Kunangwa mulava nu vuswage ni iwaini yukuhaana isadaka kuye.

Kyavalevi 17:11

Livamwoyo lia vuli kelombe liveeye mu masahi, na yiki nicho chagira Yahova nalaga ndi amasahi goosi gasundulwi ku uvwali kutulizaho uvwoni vwa avandu. Amasahi gaveeye livamwoyo, gakunikaa uvwoni.

Kyavalevi 21:17

avolere Haruni ndi: “Mu makura gaaza, atavaho na mulala ku visukululwi vivie oveeye novolema vwosi ku muviri gwigwe uhaana vihaanwa vie viukulia ku Inzi Nyasaye weve mba.

Kyavalevi 21:21

Kisukururwi chu Musaalisi Haruni keveeye ku novolema vwosi ku muviri kitahaana ku kihanwa chi viukulia ku Inzi mba,

Kyavalevi 21:6

Kuduuka ave umutakatifu, kandi siaduukanaa yambiki muzisoni mba kigira ahaanaa vihaanwa vie viukulia ku Inzi Nyasaye wavo kuduuka ave umutakatifu.

Kyavalevi 21:8

Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu.

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Malaki 2:13

Mwakoraa yaga kandi, mwakunika vwali vwa Yahova na maliga; muliraa kandi musiomaa kigira si yayanzilira vihaanwa anaho kuvugilira vihaanwa vienyu nuvuyanzi mba.

Livalidza 19:11

Mundu woosi udiira ku mukuzu alava mudamanu ku lwa madiku saba.

Livalidza 28:2

kuvolera vandu va Isiraeli koletera Nyasaye vihaanwa vie viukulia viu kumuyanziza ku ing'inga idukanaa kandi yatovolwa.

Livalidza 4:7

Valala komesa inguvu ya bulu kigira mugadi mutakatifu, ma vaviiki ku zisahani, viju vie vifunya mwayu, zibakuli zie sadaka kandi vikombe vie iwaini. Mugadi gulava komesa kazozo.

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Kwidzulitsa 26:14

Sikwakulia kucho lwa kusiomangi mba. Sikumali kulia kucho lwa kwaali vadamanu kolondekana ni miima ji diini mba; kandi sikuhaani ku kidieli chi likomi yicho kuli isadaka ya vakuzu mba. Kumali kuhulira ivi O, Yahova; kumali kokora kindu choosi kuli wakulaga kolondekana nikidieli chi likomi.