Hosea 9:1 - KITABU KITAKATIFU

¹ Munyi avandu va Isiraeli, mutasangalira masavo ginyu kuli avandu vatamanyi Nyasaye mba. Mumali kugirung'ana kutura ku Nyasaye winyu kandi si muveeye avasuuvirifu kuyo mba. Mukivala choosi mwayiguliza kuli amalaya ku munyasaye Baali, kandi mwayaanza uvuswage vwa mwaganagana yaamutunga!

Hosea 9:1 ပူးပေါင်းရင်းမြစ်များ

Zaburi 73:27

Henza, yavo avalekaa ivi valadiva ligali. Ivi uladiviza ligali yavo avataveeye avasuuvirifu ku ivi.

Isaya 17:11

Navuzwa kali niiva jaamera nukulaviza vimuli mugamba mulala mwere lwa wajisimika, kali sihalava niligesa mba. Halava vuzwa nuvudinyu vweng'ine kandi mulasalira uvuzunu vutanyala kohonywa.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 44:17

Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Ezekieli 16:15

“Navuzwa mwasuuvira mu vulahi vwinyu ligali kandi nimutumikira limanyikana lienyu kokora uvulaya. Mwamanya nimwihaana ku mundu woosi wa mwanyoola.

Ezekieli 16:30

Yaga nigo ga Yahova Wuvunyali avoora: “Kandi kigira simwigutaa mba. Kali inyima wa gene yago, lienya lienyu siliaduukizwa mba.

Ezekieli 20:32

Munyi muveeye ni zing'anagani ndi mwenya kuva kuli zihiiri zindi, kandi kuli avandu vamenyi muvivala vindi nu kusigamira misaala kandi amagina. Navuzwa yaga sigalava ndio mba.

Ezekieli 21:10

Kishagaliywi kiduuki kwita, keng'ereng'anaa nokohemahema kuli loheni. Vusangali si voveeye ho mba, kigira avandu vange vamali kusura kuhulira lieganihiza liosi kandi nilihevwa mageri.

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Hosea 2:12

Ndononyia mizabibu kandi mikuyu jije josi ijayavoola ndi avasaza veve vamuha kigira yakola ovoheyi navo. Ndagirung'anyia mizabibu yiji kandi mikuyu yiji kuva umulitu, kandi zinyama ziu muvulimu zilajidiviza.

Hosea 4:12

Vatevaa zing'anagani kutura ku kifananyi chumusaala! Kisala kivavoleraa icha venya kumanya! Vamali kondeka. Kuli mukali ugwizaa mulaya, vamali kwihana aveene ku avanyasaye vandi.

Hosea 5:4

Uvudamanu vwa avandu vamali kokoraa, vuvigaliraa kwirana ku Nyasaye wavo. Vayanzilira vifananyi ligali, na sivamanyi Yahova mba.

Hosea 5:7

Si vaveeye avasuuvirifu ku Yahova mba. Avana vaavo sivaveeye aveeve. Kalunu ku ing'inga yi lisavo mu mweli muhia, valadivizwa harara ni milimi jaavo.

Amosi 3:2

“Kuzihiiri ziosi ziokulirova, munyi nivo mweng'ine avadamanya nukuvalinda. Yiki nicho kekolaa uvwoni vwinyu kuva vudamanu ligali. Yiki nicho kigira muhe amageri malulu ligali.”

Amosi 4:5

Muhaane kisiuviriru chu kusandiza chi migadi ja mamera, na mulandizi amakuva gi vihaanwa viumwoyo gwu kwihana nu vuyanzi. Mulandizi kigira yivi nivio vindu via muyanzaa kokora. O, munye avandu vi kivala cha Isiraeli!”

Amosi 6:13

Munyi mwigingiraa kigira mumali kugumira lidaala lia Lodebari mwiyizominyaa aveene nimuvoora, “Henza, kunyi kumali kugumira lidaala lia Karinaimu kuzingulu zietu zinene.”

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Yakobo 4:16

Navuzwa kalunu mwigingiraa kandi molekonya. Liekonya kuli yili liveeye lidamanu.

Yakobo 5:1

Kalunu, munyi avandu avatugi, mumbulirizi! Mukubi zikwiri kandi musiome, kigira ikivi kiiza kumugwila.