Hosea 8:6 - KITABU KITAKATIFU

⁶ Umundu musiza wa Isiraeli yalomba kifananyi, kandi sikeveeye nyasaye kali hakuzu mba! Igiriki yi ifeza isigamirwa mu Samaria iravunanywa muvidonye!

Hosea 8:6 ပူးပေါင်းရင်းမြစ်များ

2 Avami 23:15

Josia yasambula kandi havundu hu kusigamira mu Bezeli, ahaali ni huumbakwa na Jeroboamu muyaayi wa Nebati, wimilira Isiraeli kuduuka mu likora uvwoni. Josia yasambula uvwali, ni yatanyia magina gavwo mu vidonye kandi naviduya kuduuka ni vigwa luguki. Yasamba kandi vifananyi via Ashera.

2 Avami 23:19

Mu vuli lidaala linene lia Isiraeli, mwami Josia yasambula havundu hu kusigamira vanyasaye ha vandu vavura kumanya Nyasaye vumbaka. Vami va Isiraeli vavukiza uvutima vwa Yahova. Josia yakola ku vwali yivwo goosi aga yaali naakori mu Bezeli.

2 Kyetsinyinga 13:8

Kalunu muganaganaa kulwaana nu vwami vwu vunyali uvwa Yahova yahaana ku visukululwi va Daudi. Munyi muveeye ni liihi linene ligali kandi muveeye ni vifananyi vie zigiriki zie zahabu via Jeroboamu yalomba muvisigamiri.

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

Jeremia 10:14

Mulilora yaga, avandu vafwana avasiru kandi vugira limanyiriza; yavo avalombanga ivifananyi vavikangwa muzisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Jeremia 48:13

Maku avandu va Moabu valaviikwa mu zisoni nu munyasaye wavo Kemoshi, kuli avandu va Isiraeli vaviikwa mu zisoni na Bezeli, munyasaye wa vasuuvira muye.

Jeremia 50:2

“Ovolere izihiiri amakuva malahi! Ugalandizi! Uhaane kelolero ma ulandizi makuva malahi! Utagaviika mu vwivisu mba! Babiloni ilakaguutwi! Umunyasaye wavo Mariduki umali kosekerizwa! Ivifananyi via Babiloni viveeye muzisoni, ivifananyi vialio viukuvihiliriza vidiviziywi!

Hosea 10:2

Avandu yavo, mioyo jaavo jiveeye ju vugadi; kalunu valasalirizwa kigira uvwoni vwavo. Nyasaye alavunanyia uvwali vwavo kandi aladiviza zitiru ziavo.

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Hosea 14:3

Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Mika 1:7

Vifananyi vialio viosi vilahi vilashonoranywa mu vidonye, vindu viosi viahanwa ku malaya gi litembeli viladivizwa nu muliru, ni vifananyi vialio viosi vilalekwa kuva kuli kitumi. Samaria lidaala linene lianyora vindu yivi kigira vulahi vwalio, na kalunu avasigu va lio valavugula vifananyi nu kuzia kokoraa uvulaya mu litembeli havundu handi.”

Habakuk 2:18

Kifananyi keveeye navokonyi ki? Yiki ni kindu chalombwa nu mundu kandi sikikovoolera kindu mba, nitali kivoola vovehi. Kifananyi yiki kevoolera ki mulombi wa cho aduuki kukisuuvira? Aveeye munyasaye utamolomaa!

Vikolwa 17:29

“Kigira kunyi koveeye avana va Nyasaye, sivoveeye vulahi kuganagana ndi Nyasaye aveeye kuli izahabu, ifeza, anoho kali kuli ligina liavazwa; vindu viakongwa nu vusiza kandi no vogeri vwa avandu.

Vikolwa 19:26

Kalunu muloraa kandi muhulira ivindu via Paolo akolaa, sihaveeye hano mu Efeso mweng'ine, navuzwa kuduuka mu Asia mwosi. Paolo uyu agonyaa nagirung'anyia avandu vanyingi, na avoora ndi avanyasaye valombwa na avandu si vaveeye avanyasaye kali hakuzu mba.