Hosea 7:3 - KITABU KITAKATIFU

³ Yahova avoora, “Avandu vagada mwami harara navatumikiri veve nililohiza lidamanu liumuvwivisu.

Hosea 7:3 ပူးပေါင်းရင်းမြစ်များ

1 Avami 22:13

Ku ing'inga yeyo, mutumikiri waali naaziyi koleta Mikaya yamuvolera, “Avaporofeti vandi vosi vamali koporofeta vuguuti ku mwami, na vwakaveeye vulahi ligali na ivi wakakoli ndio.”

1 Avami 22:6

Kunangwa mwami Ahabu wa Isiraeli yalanga vaporofeti vosi harara, himbi vasaza zimia zine, navateeva, “Nyara kuzia kulwaana Ramozi mu Gileadi, anoho ndeke?” Avaporofeti zana vamuvolera; “Zia ulingiliri. Yahova alakuha liguuta.”

Jeremia 37:19

Kindiki chekoleka ku avaporofeti vovo avakovoolera ndi mwami wa Babiloni si alakwingilira anoho kwingilira kivala?

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 9:2

Nzegomba ndava na havundu ho komenya muchangalangwe, handali nyalakuva ihale kutura ku avandu vange. Vosi sivaveeye avasuuvirifu mba, vaveeye umuganda gwa vazami.

Hosea 10:13

Munyi mwakora uvudamanu, kandi mumali konyoora likora liu vudamanu vwinyu, mumali konyoora madanyi gu vugadi vwinyu. “Kigira mwasuuvira mu zibarasi zienyu kandi mu vasikari vinyu vanyingi,

Hosea 11:12

Yahova avoora, “Avandu va Isiraeli vakumberizi novovehi kandi nuvugadi. Avandu vi Ivuyuda vakikiri avibaalu ku inzi, Nyasaye musuuvirifu kandi Mutakatifu.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Hosea 5:11

Avandu va Isiraeli vaveeye mu vusaliri vwi lidambizwa; vamali kogotiza kivala chaali chavo, kigira vasavira kuzia konyoora ovokonyi kutura kuyavo avataali novokonyi.

Hosea 7:5

Ku lidiku lieliilia liumwami valomba umwami harara na vatumikiri vene kuhambika iwaini kisiru.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Mika 7:3

Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

1 Yohana 4:5

Avaporofeti vu vugadi yava vaveeye vu mu kivala; yaga vavoola agikivala, kandi avumukivala vavahulira.