Hosea 4:10 - KITABU KITAKATIFU

¹⁰ Munyi numulie viukulia navuzwa simuliguta mba. Munyi mulasigamira avanyasaye vulwivulu navuzwa, simulanyora avana mba, kigira mumali kondeka na murondaa avanyasaye vandi.”

Hosea 4:10 ပူးပေါင်းရင်းမြစ်များ

2 Kyetsinyinga 24:17

Navuzwa inyima wi likuza lia Jehoyada, aviimiliri vi Ivuyuda vazia ku mwami Joashi ni viinama imbiri weve. Hene yaho, mwami yavahulira.

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Zaburi 36:3

Amakuva geege gaveeye amachamu kandi gu vugadi, siakolaa agovogeri mba, anoho amalahi mba.

Tsing'ano 13:25

Avalungi vaveeye niviukulia vinyingi navuzwa vachamu vamenya ni inzara kazozo.

Jeremia 34:15

Kunangwa kumadiku makekeeke gavitii mwagirung'anyia zing'anagani zienyu nimukora aganyaanzizaa. Munyi vosi mwavugilira kovoholora avandu va Isiraeli vache, kandi mwalomba lilagana imbiri wange, mu Litembeli aha sigamirwa.

Jeremia 9:12

Inzi ndaateva, “Yahova, kigira ki kivala chasambwa kandi chayumba kuli changalangwi, kunangwa umundu kali mulala sianyala kuvitiramu mba? Nivwaha oveeye umugeri kumanyiriza yaga? Nivwaha wawavoolera yaga kunangwa aduuki kovoolera avandi?”

Ezekieli 18:24

“Navuzwa lwu mundu mulungi aleka kokora uvulungi na akole uvwoni vwa vandu vadamanu vakora, mundu uyu alamenya? Awa! Uvulahi kandi uvulungi vwivwe vwa yakola si ndizuliza kandi mba. Alakuza kigira umali kokora uvugadi kandi kigira uvwoni vwa mali kokora.

Ezekieli 22:9

Valala kumunyi vavoola ovovehi kigira vandu, vandi, kunangwa vaduuki kwitwa. Valala kuvo valiza visiuviliru vihaaniywi ku vifananyi. Valala vaduukiza liegomba liavo liumuviri vuli ing'inga.

Hosea 4:14

Navuzwa inzi sindavaha mageri kigira yaga mba, kigira munyi aveene mukora ovoheyi namalaya gi Litembeli, kandi harara navo muhaanaa visiuviliru ku vifananyi. ‘Kuli lugano lovoolaa avandu vugira limanyiriza valaduuka mulidiva.’

Hosea 7:4

Vosi vaveeye avagaadi kandi sivaveeye avasuuvirifu mba. Livihirirwa liavo liaka kuli muliru, gutafaanwa numudeki kuduuka lwuvusie vwetegeki kodekwa.

Kyavalevi 26:26

Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.

Mika 6:14

Mulalia, navuzwa si muliiguta mba, kalindio mulava nimukikiri ninzara. Mulatuliza ivindu ichova, navuzwa simulavihonyia mba, kandi kindu choosi cha muhonyi ndakidivizira mu vulwani.

Zefania 1:6

Ndakadivizi yavo aviranaa inyima kandi yavo avavuraa kuuza ku inzi anoho avavuraa kondeeva kuvimilira.”

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.