Hosea 2:19 - KITABU KITAKATIFU

¹⁹ Avandu va Isiraeli, ndamukora muve umukali vange; ndava wa agiligali kandi musuuvirifu, Ndamanyia uvuyanzi vwange kandi zimbavasi ziange zitaveeye nekeheri; kandi ndamukora muve avandu vange mihiga ni mihiga.

Hosea 2:19 ပူးပေါင်းရင်းမြစ်များ

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Isaya 1:27

Kigira Yahova aveeye mulungi, alahonyia Jerusalemi kandi ku woosi uwiganiraa.

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 54:6

Isiraeli, Ivi oveeye kuli mukali mukana, uwalekwa nu musaza weve na oveeye mu livererizwa linene. Navuzwa Yahova akulangaa wirane kuye, na avoora:

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Ezekieli 39:29

Ndaviika Roho gwange ku vandu va Isiraeli, kandi sindagirung'ana kutura kuvo mba. Inzi Yahova Wuvunyali mali kovora.”

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Joeli 3:20

Navuzwa avandu valamenya Ivuyuda mihiga ni mihiga na Jerusalemi lilavaho ku makura goosi.

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Varumi 7:4

Ni ndio kandi gaveeye ku munyi avaamitu vange. Munyi mwakuza ku Lilaga kuvitira mu muviri gwa Kristo. Kalunu muveeye ava uyu wasimugukizwa kutura mu vakuzu kunangwa kuduuki kuva avovokoonyi mu vutumiki vwa Nyasaye.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

Likunula 21:2

Kandi ndaalora Lidaala Litakatifu, Jerusalemi imbia, nilikaa kutura mwigulu ku Nyasaye, nilietegekizwi kuli umwiha uwisiahiyi umusaza weve.