Hosea 13:8 - KITABU KITAKATIFU

⁸ Ndamwingilira kuli iduba imali kunuurwa vana vayo, kandi kuvatandula. Ndamwita kuli isimba yitaa inyama yu mu vulimu nu kugitandulanyia mu vindonye.

Hosea 13:8 ပူးပေါင်းရင်းမြစ်များ

2 Samweli 17:8

Ivi umanya ndi baba woovo Daudi na avandu vasaza veve vaveeye avalwaani vadinyu ligali ma kandi vaveeye avalulu kuli iduba ingali ninyagiywi avana vayo. Baba woovo aveeye musikari wilimanya linyingi kandi siavezaa na avandu veve havudiku mba.

Zaburi 50:22

“Muhuliri amakuva yaga, munyi avasuuraa inzi Yahova, ni gataveeye ndio, ndamudiviza ligali, kandi sialavaho kali mulala unyala kumuhonya mba.

Zaburi 80:13

Vaduvaga kivala yiki kuli zinguruvi ziu muvulimu, kandi vononyia kivala yiki kuli zinyama ziu muvulimu.

Tsing'ano 17:12

Ni vulahi kwagana ni idubu imali kunyagwa avana vayo, kuvita kwagana nu mundu musiru mu miyinzi jije, ju vusiru.

Isaya 5:29

Avasikari vahumaa kuli zisimba zimali kwita inyama na zigigingaa kugihira ha vundu hataveeye ho nu mulala unyala kuzinyaga.

Isaya 56:9

Yahova yavolera zihiiri zing'eni: “Munyi zinyama ziosi zinduru, na munyi mwosi zinyama ziu mu mulitu, hambi mulie avandu vange.

Jeremia 12:9

Avandu vange vatovole vaveeye kuli linyonyi limali kwingilirwa kuzimbega ziosi na mave. Mulange zinyama ziumbulimu ziizi musange mulisavo!

Jeremia 25:38

Yahova amali koleka avandu veve kuli isimba elekaa uluhangaywa lwayo. Vutima vwa Yahova kandi litihiza linene lie liihi vimali kugirung'anyia kivala kugwa changalangwi.

Hosea 2:12

Ndononyia mizabibu kandi mikuyu jije josi ijayavoola ndi avasaza veve vamuha kigira yakola ovoheyi navo. Ndagirung'anyia mizabibu yiji kandi mikuyu yiji kuva umulitu, kandi zinyama ziu muvulimu zilajidiviza.

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.