Hosea 10:14 - KITABU KITAKATIFU

¹⁴ Muganda gwa vandu viliihi gulaza kulwaana vandu vinyu, kandi zimbinga zienyu ziosi ziladivizwa. Nalive lidiku kuli lwu mwami Shalimani yadiviza Lidaala linene lia Bezarabeli mu vulwani. Avamama harara na vana vaavo vashonoranywa mu vidonye kuduuka nivakuza.

Hosea 10:14 ပူးပေါင်းရင်းမြစ်များ

Litanga 32:11

Inzi ngusaala ombonyie kutura ku mukono gwu vusigu vwa mwavo wange Esau. Mbeeye nuvuti naye kigira alaza kukwingilira kandi kudiviza kunyi kwosi, kali avakali harara na vana.

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 17:3

Mwami Shalimanaseri wa Asiria yalomba vulwani naye; Hoshea yihaana umwene ni yegehiza ku Shalimanaseri kuvugilira liguutwa, kandi natunga uvusuuru kuye vuli muhiga.

2 Avami 18:33

Ni vanyasaye ki vi zihiiri zindi avahonyia ku vivala viavo kutura ku mwami wa Asiria?

Isaya 17:3

Zimbinga ziukuhalira mu zilatulizwa ho mukivala cha Efuraimu. Zinguru ziuvwami vwa Damasiko zilahera; Avandu va Siria avalitigala valava kuli uvukumi vwa vandu va Isiraeli, Inzi Yahova Wuvunyali mali kovora.”

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 48:41

amadara kandi zimbinga zilagumilwa. Ku lidiku liene yilio, avasikari va Moabu valatiihizwa kuli umukali oveeye mu lilumwa liumwana.

Hosea 10:15

Yaga nigo agalikoleka ku munyi, avandu va Bezeli, kigira uvudamanu vwinyu vwukuvihiliriza vwa mumali kokora. Nonoho lwu vulwani vutanga, umwami wa Isiraeli alakakuzi.”

Hosea 13:16

Avandu vilidaala lia Samaria valanyora mageri kigira vamali kwibaala ku inzi. Vosi valitirwa mu vulwani; avana vaavo valasionolanywa mu vidonye, na vakali vaavo avaveeye ni zinda valatemanywa.”

Amosi 3:14

“Ku lidiku lia mbana amageri ku vandu va Isiraeli kigira uvwoni vwavo, ndononyia uvwali vwa Bezeli. Zikona ziosi ziavuli uvwali zilavunagwa nu kugwa hasi.

Amosi 3:8

Lwi Isimba ihuuma, nivwaha unyala kuvula kutia? Lwa Yahova Nyasaye amali kovora, nivwaha unyala kuvula kuporofeta makuva geege?

Amosi 9:5

Yahova Nyasaye Wuvunyali, adiira lirova ma lidegera; Yavo vosi avamenyi mu lio vasioma. Lirova liosi livuuka kandi ligwa kuli mugera gwa Naili.

Mika 5:11

Ndakononyie madaala manene mu kivala chienyu nukusambula zimbinga zienyu.

Nahum 3:10

Navuzwa vandu va Zebesi vaahirwa mu vuhambe. Avana vaavo vaakuywa nivakuzira muvuli zikona zie zinzira. Aviimiliri valio avasaza vavugulwa nivavoheywe minyororo ni vagavulanyirwa hagati ku vasigu vaavo.

Nahum 3:12

Zimbinga zienyu ziosi zilakave kuli misaala ja makuyu amengu; nusungusa misaala yiji likuyu lialavunguluka mu munwa gwugwo!

Habakuk 1:10

Vachaaya vami kandi vasekeriza vaamiihi. Sihaveeye ho ni imbinga inyala kuvigalira mba. Vavungizaa kumalova ma vagivugula.