Habakuk 3:6 - KITABU KITAKATIFU

⁶ Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

Habakuk 3:6 ပူးပေါင်းရင်းမြစ်များ

Litanga 49:26

Uvugasu vwa baba woovo voveeye ovonene ligali kuvita uvugasu vwi vigulu vie mihiga ni mihiga, kandi voveeye ovonene ligali kuvita vindu tugulu twi mihiga ni mihiga. Uvugasu yivu vove ku Josefu, vove ku itaji yu mutwi gwa uyu wahulwa ku avamwavo veve.

Ayubu 21:18

Navahuuza kuli mavululi gahuzwa ni imbuza mba, noho luguchi luhuuzwaa ni kihuzuzi?

Ayubu 9:5

Nyasaye asuundaa vigulu vugira yivio kumanya; kandi avitung'aminyaa mu vutima vwivwe.

Zaburi 103:17

Navuzwa uvuyanzi vwa Yahova vuhindiraa mihiga ni mihiga ku yavo avamutizaa; kandi uvugasu vwivwe vuhindiraa ku makura goosi;

Zaburi 104:32

Yahova ahenzaa ku lirova ma lidegera, kandi adiira ku vigulu ma vigulu vivuya umwochi,

Zaburi 35:5

O, Yahova, leka vave kuli mukuuzi guhuuzwa ni imbuza, nivakungwa ne engelosi!

Zaburi 68:16

Kigira ki mukendekelaa kiguru cha Nyasaye yatovola komenya mu mihiga ni mihiga?

Zaburi 90:2

Imbiri wu waali nukikiri kolomba vigulu, anoho nukiri kolomba lirova na viosi viveeye mu, waali Nyasaye uhindiraa mihiga ni mihiga, kandi ulava Nyasaye mihiga ni mihiga.

Zaburi 97:5

Vigulu visalulukaa kuli ihura imbiri wa Yahova; Yee, imbiri wa Yahova wamihaa lirova liosi.

Kutwula 15:14

Zihiiri zimali kuhulira, kandi zidegera nuvuti; avandu va Filisitia vaveeye nuvuti vonene ligali.

Kutwula 15:15

Aviimiliri va Edomu vadegeliziywi. Avasaza vizingulu va Moabu vadegera; avandu va Kanaani vagotizi vuluviliri vwavo.

Kutwula 15:17

Ivi wavaleeta kandi wavaviika ku kiguru chicho, ha vundu ha ivi, O, Yahova, umali kotovola kuva hango hoho, litembeli lia ivi mwene umali kwumbaka.

Kutwula 19:18

Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Kutwula 21:31

Niiva igiriki iliita mutugwa muyaayi anoho mukaana, lilaga lilala yili lilakolwa.

Isaya 51:6

Mugiingi zimoni zienyu muhenze mu ligulu; muhenze hasi ku lirova! Ligulu lilavuya kuli mwoki lirova lilakunguha kuli inguvu ingulu. Avandu vaveeye mu kivala vosi valakuza kuli ziinji. Navuzwa vohonyi vwa ndileeta, vulahindira mihiga ni mihiga; liguuta liange lilava liu kumalirika.

Isaya 51:8

Zisere zilavalia kuli ziliizaa inguvu ingungu; zilavalia kuli ziliizaa inguvu yuvwoya. Navuzwa ovohonyi vwange ndeetaa, vulahindira mihiga ni mihiga. Liguuta liange lilava ho ku makura goosi.”

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Nahum 1:5

Vigulu videgera imbiri wa Yahova; vigulu vikekeke vivunguluka imbiri weve. Lirova lidegera lwa Yahova alolekaa; kivala kandi avandu vamenyi mu vadegera.

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Habakuk 3:10

Vigulu viadegera lwa viakolola; mazi gasunduka kutura mu vwerefu, mazi gafuuma isi wilirova, kandi viguvuli via go viazia igulu ligali.

Matayo 24:35

Ligulu ni lirova vilavita, navuzwa amakuva gange sigalivita mba.”

Luka 1:50

Zimbavasi zizie ziveeye ku makura namakura, ku avandu vahaana luyali kuye.

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Kwidzulitsa 32:8

Oveeye Igulu Ligali kuvita yahaana zihiiri milimi jaavo. Yavukanyia avandu vosi, yavavikira zinzako ziavo kolondekana nilivaliza lia avandu va Isiraeli.

Kwidzulitsa 33:15

Vigulu viavo via kale vizuri amakuyu malahi gatovoleywe.

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.

Joshua 10:42

Joshua yaguuta avami yava vosi harara ni vivala viavo mu ing'inga ndala ya yatura kuzia kulwaana mu liihi kigira Yahova, Nyasaye wa Isiraeli yaali naalwaaniraa vandu va Isiraeli.

Vakalagi 5:5

Ivigulu viadegera imbiri wa Yahova wa Sinai, imbiri wa Yahova, Nyasaye wa Isiraeli.