Habakuk 3:13 - KITABU KITAKATIFU

¹³ Ivi waazia kohonyia vandu vovo, kohonyia mwami vwovo mutovole. Wasionolanya mutwi gwu mwimiliri wa vachamu, kandi wadiviza valondi veve vosi.

Habakuk 3:13 ပူးပေါင်းရင်းမြစ်များ

2 Samweli 5:20

Kunangwa Daudi yazia kuduuka ha Baaliperazimu, kandi uwene yeyo, yaguuta vandu va Filisitia. Yavoola, “Yahova umali kuvunaga avasigu vange kuli livunaga lia amazi gizuyi.” Nandio havundu yaho halangangwa Baaliperazimu.

Zaburi 105:15

Vavoola, “Mutasaliriza avatumikiri, vatovole vange mba; mutadiiri ku avaporofeti vange mba.”

Zaburi 105:26

Maku Nyasaye yatuma mutumikiri weve Musa, kandi Haruni, uwa yaali natovoye.

Zaburi 110:6

Alakalagira zihiiri nukwita avandu vanyingi. Alaguuta avami ku lirova liosi.

Zaburi 137:7

O, Yahova, wizulizi aga vandu va Edomu vaakora ku lidiku lia Jerusalemi liagumirwa. Wizulizi kuli vavoola, “Mu livululi lidaala linene lia Jerusalemi yilio! Muyavugululi kali mise jalio!”

Zaburi 20:6

Kalunu inzi manya ndi Yahova ahaanaa liguuta ku mwami mutovole weve; amutivuliraa kutura mwigulu mwimwe Mutakatifu, kandi amuhezanga liguuta linene kuzinguru zizie.

Zaburi 28:8

Yahova aveeye zinguru zia vandu veve, aveeye imbinga yo vohonyi yu mutovole weve.

Zaburi 68:7

O, Nyasaye, lwa wimilira avandu vovo, lwa waazia kuvitira mu changalangwe,

Zaburi 77:20

Ivi wimilira avandu vovo kuli mwayi wi chayo cha magondi, kandi watovola Musa na Haruni kuva vimiliri vaavo.

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Isaya 64:1

O, Yahova wakatanduyi ligulu ma wiki hasi ku lirova, kunangwa vigulu viakaadegeya imbiri woovo!

Ezekieli 13:14

Ndasambura lidigi liavumbaka novodohi nukulidiviza, kandi ndaleka imise jalio jamagina hazwa. Lilamugwila na mwosi muladiva. Maku mulamanya ndi Inzi mbeeye Yahova.

Amosi 9:1

Ndaalora Yahova nasingiyi ahimbi nu vwali. Yahaana malago navoora, “Ukuya vudinyu mitwi ji zitiru zie Litembeli kunangwa imise jiduuki kodegera. Uvunanyie mitwi zana mu vidonye, ma oleke vigwi ku mitwi ja avandu vosi. Ndaza nzite avandu vandi vosi avamanya vatigale mu vulwani. Mundu kali mulala si aliruka, kandi mundu kali mulala sialahononoka mba.

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Joshua 10:24

Lwa vaali nivakaleetwa ku Joshua, Joshua yalanga avasaza vosi va Isiraeli vaze kuye, kandi yalaga vimiliri vi liihi vazie harara naye, “Hambi imbiri yinu na muviiki virenge vienyu ku magoti ga vami yava.” Kunangwa vaza imbiri, kandi nivaviika zinduvatiru zie virenge viavo ku magoti gaavo.

Joshua 10:42

Joshua yaguuta avami yava vosi harara ni vivala viavo mu ing'inga ndala ya yatura kuzia kulwaana mu liihi kigira Yahova, Nyasaye wa Isiraeli yaali naalwaaniraa vandu va Isiraeli.

Joshua 11:12

Joshua yagumira madaala yaga goosi harara na vami vago, niyiita avandu vosi, kuli Musa, mutumikiri wa Yahova, yaali niyalaga.

Joshua 11:8

Nyasaye yakola vandu va Isiraeli kuguuta kuvo. Avandu va Isiraeli vavingilira kandi nivavalondelera kali kuduuka Misirefozimaimu, na Sidoni kolovega lwa ivaale, kandi kuduuka mu livona lia Mizipa ku lovega lwa ivugwi.