Habakuk 2:8 - KITABU KITAKATIFU

⁸ Mwalanya vandu vi zihiiri zinyingi, navuzwa kalunu yavo avamali kohononoka valamulanya kigira vulumindi vwamwakola kandi kigira kivihiri cha mukoleraa vandu vi kivala na madaala manene.

Habakuk 2:8 ပူးပေါင်းရင်းမြစ်များ

Zaburi 137:8

Munyi avandu va Babiloni, muladivizwa ligali. Aveeye nuvugasu mundu uvanzira kunyi kisaalia ku munyi kigira aga mumali kokokolera.

Tsing'ano 22:23

Yahova alasingilira kiyaalo chavo, kandi alalanya yavo avalanyaa avadaka.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 33:4

Kunyi kwingiliraa avasigu viitu kuli kekoonya chi zisigi; kunyi kuvuguraa ivindu viavo viosi.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 50:14

“Vasaza vukulasa uvuta, muzie mulwaane avandu va Babiloni kandi muvakumbilizi. Muvalase mivano jinyu josi, kigira vamali kokora uvwoni ku inzi, Yahova.

Jeremia 50:28

Avahaali virukanga kutura Babiloni kuzia Jerusalemi, ma vavoola kuli Yahova Nyasaye wiitu yaavanza kisaalia ku aga vandu va Babiloni vaali nivakoli ku Litembeli.

Jeremia 50:37

Mudivizi zibarasi ziavo namagare gaavo gu vulwani! Likuza kuvasikali vaavo vukutungwa, vaveeye avadedekere ligali! Mudivizi mavikiru gaavo; kandi mulanye.

Jeremia 51:13

Kivala yicho keveeye ni migera minyingi kandi amaviikiru guvutugi, navuzwa ing'inga yacho imali kuduuka, kandi livamwoyo liacho limali kohera.

Jeremia 51:24

Yahova avoora, “Mulalora inzi nimbanza kisaalia ku Babiloni harara na vandu valio kigira uvwoni vwosi vwa vaakora ku Jerusalemi.

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Jeremia 51:48

Vindu viosi viveeye muligulu kandi mu lirova, viliimba nuvusangali lwa Babiloni igumilwa nu kudivizwa na vandu, kutura Ivaale!

Jeremia 51:8

Nonoho avandu va Babiloni vamali kugwa kandi kudivizwa! Muvasiomele! Muhenze zinyasi ku vulwaye yivu, hawundi vanyara kohonywa.

Ezekieli 28:16

Mu vunyingi vwi likiranyia liilio, yaga gakokola kuva ni kirage kandi kokora uvwoni. Kulwayago, ndaakuniga kutura mu kiguru change kitakatifu, kandi engelosi yakulinda yaakukunga kutura hagati ha magina gu muliru.

Ezekieli 39:10

Sivalakazie kwenya zingu mu mulimi anoho kotema misaala mu mulitu mba, kigira valakave nivaveeye ni viugi kuhambizira muliru. Valakatege nukugumira yavo avavatega, kandi valanuule yavo avavalinuula.” Yahova Wuvunyali umali kovora.

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Obadia 1:15

“Lidiku liveeye ahimbi lwa Inzi, Yahova, ndakakalagili zihiiri ziosi. Avandu va Edomu, agamumali kokora, kandi galakakoleke ku munyi. Chamumali kuhaana kilirana kumunyi.

Habakuk 2:10

Navuzwa lilohiza lienyu limali koleta zisoni ku zinyumba zienyu; kandi lwa mudiviza zihiiri zinyingi mweleteraa lidiva aveene,

Habakuk 2:17

Mwatema militu ja Lebanoni; kalunu na munyi mulatemwa. Mwitaa zinyama zimenyi mu; kalunu zinyama yizio zilamutihiza. Yaga galakekoleke kigira vwiti vwa mumali kokora kandi kigira kivihiri chiinyu cha mukoleraa vandu vi kivala na madaala manene.

Zekaria 1:15

Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Zekaria 14:12

Yahova alakaleete vulwaye vudamanu ligali ku zihiiri zilileta vulwani ku Jerusalemi. Miviri jaavo jilakagundi nivakikiri mwoyo; zimoni ziavo kandi zinimi ziavo zilakagundi.

Likunula 6:10

Navo vaalira nu kuhanzuka nu mwoyo umunene nivavoora, “O, Mwami wi zinguru, wu luyali, mutakatifu kandi wi ligali, kuduuka ing'inga ki, ivi ulalindagira uvuli kukalaga nu kuvaanza kisaalia chi liitwa lietu ku vandu avamenyaa mu lirova?”